Taraz qalasynda koronavırýs ınfeksııasyn juqtyrýdyń jańa deregi tirkeldi.
Oblys ortalyǵynyń 30 jasar turǵyny buǵan deıin ınfeksııa juqtyrǵan áriptesimen jumys baby boıynsha baılanysta bolǵandyǵy úshin karantındik stasıonarda oqshaýlanǵan. Alynǵan qan taldaýynyń qorytyndysy oń nátıje kórsetkennen keıin ol ınfeksııalyq stasıonarǵa jatqyzylǵan. Al, úı oshaǵy boıynsha onymen baılanysqan bir tulǵa anyqtalyp, zerthanalyq zertteý úshin taldaýlar alynýda. Oshaqtarda epıdemııaǵa qarsy tıisti óńdeý sharalary atqarylǵan.
Jalpy, búgingi jaǵdaı boıynsha Jambyl oblysynyń aýmaǵynda koronavırýstyq ınfeksııanyń 77 jaǵdaıy tirkelgen. Onyń ishinde Taraz qalasynda 25, Baızaq aýdanynda 3, Jambyl aýdanynda 4, Qordaı aýdanynda 33, Merki aýdanynda 2, Moıynqum jáne Shý aýdandarynda bireýden. Sonymen qatar, «Delı – Taraz» reısiniń jolaýshylary arasynan 6 oqıǵa, teńizdegi vahtalyq kentinen kelgen qyzmetkerler arasynda 2 oqıǵa anyqtalǵan.
Jambyl oblysy