«Qazaqstanda jasalǵan» aýylsharýashylyǵy tehnıkasynyń lızıngisi boıynsha qarjylandyrýdyń jeńildetilgen baǵdarlamasy iske qosyldy.
«QazAgro» holdıngi qazaqstandyq fermerlerge sharttardy jeńildetýdi jalǵastyrýda. Memleket basshysy Qasym-Jomart Toqaevtyń tótenshe jaǵdaı kezinde shaǵyn jáne orta bıznesti qoldaý týraly tapsyrmasy sheńberinde 2020 jyldyń 1 sáýirinen bastap «QazAgro» holdıngisiniń «QazAgroQarjy» aksıonerlik qoǵamy tehnıka men kólik quraldarynyń lızıngisi boıynsha aýyl sharýashylyǵy taýarlaryn óndirýshilerdi qarjylandyrýdyń «Qazaqstanda jasalǵan» atty arnaıy jeńildetilgen baǵdarlamasyn iske qosty.
Qarjy jyldyq 6% mólsherlemesimen, 10 jylǵa jáne 1 jylǵa deıin lızıngtik tólemder boıynsha jeńildikpen beriledi. Investısııalyq sýbsıdııa túrindegi beriletin memlekettik qoldaýdyń arqasynda alǵashqy tólem 0% quraıdy jáne qandaı da bir komıssııalardy tólemeı jáne kepilsiz beriledi
О́tinimderdi qabyldaý jáne qaraý azaıtylǵan qujattar paketiniń elektrondyq kóshirmeleri negizinde jeńildetilgen tártippen júzege asyrylady.
Bul baǵdarlamanyń iske asyrylýy aýyl sharýashylyǵy taýarlaryn óndirýshilerge eleýli qoldaý kórsetip, eldiń azyq-túlik qaýipsizdigin qamtamasyz etýge óz úlesin qosyp qana qoımaı, otandyq mashına jasaýdy damytýǵa oń yqpalyn tıgizýge múmkindik beredi.
Sonymen birge, tótenshe jaǵdaı rejıminiń áreket etý kezeńinde «QazAgroQarjy» aksıonerlik qoǵamy 2020 jyldyń 15 maýsymyna deıin shaǵyn jáne orta bıznes sýbektilerine tek qaryz sharttary boıynsha ǵana tóleý merzimderin uzartyp qana qoımaı, sondaı-aq qarjy lızıngi sharttary boıynsha da turaqsyzdyq aıybyn eseptemeı tóleý merzimderin uzartady.
«QazAgroQarjy» aksıonerlik qoǵamyna 2020 jyldyń 21 sáýirine deıin tólem merzimderin uzartý týraly somasy 2,59 mıllıard quraıtyn 171 ótinim tústi, somasy 630 mln teńgeni quraıtyn ótinim maquldandy.