Qazaqstannyń geologııalyq barlaý jumystaryna 50 mıllıard teńge jeke ınvestısııa tartylýy múmkin, dep habarlady IIDM baspasóz qyzmeti.
Halyqaralyq ozyq tájirıbe negizinde qatty paıdaly qazbalarǵa arnalǵan jer qoınaýyn paıdalaný salasyndaǵy Qazaqstannyń ınvestısııalyq tartymdylyǵyn qamtamasyz etý úshin Jer qoınaýy týraly jańa Kodeks qabyldandy. Osy Kodeks qabyldanǵaly lısenzııalardy berýdiń avstralııalyq úlgisi engizilip, 621 lısenzııa berildi.
Qazirgi ýaqytta Qazaqstannyń 1,2 mln kv.km. aýmaqta geologııalyq barlaý jumystaryn júrgizýge múmkindigi bar. Bul óz kezeginde mýltıplıkatıvtik áser etip, servıstik kompanııalardyń damýyna, bilikti kadrlar men tehnologııalardyń kelýine jol ashady. Osyǵan baılanysty salaǵa 50 mlrd. teńge kóleminde jeke ınvestısııa tartýǵa múmkindik týady.
2014 jyldan bastap 2018 jylǵa deıin salaǵa 122 mlrd. teńge kóleminde shetel ınvestısııasy salyndy. Bul qarajattyń negizgi bóligin reseılik ınvestorlar Jolymbet, Aqsý, Bestóbe, Sýzdalskoe, Sentash, Qarabulaq ken oryndaryna, Jeltoqsan kenishine, Kókbórige altyn men altyn kenderdi óndirýge saldy. Sondaı-aq Germanııa, Qytaı, Kanada, Ulybrıtanııa, Belgııa, Izraıl, Koreıa, Lıvan, Túrkııa, Shveısarııa, Serbııa. Nıderlandy, Birikken Arab Ámirlikteri, Avstralııa, Kıpr, Lıýksembýrg, Oman jáne basqa da elderden ınvestorlar tartyldy.