Qurylys jumystary Túrkistan oblysynyń aýdandarynda da qarqyn alyp keledi. Mysaly, Túlkibas aýdanynda úsh birdeı bilim uıasynda kúrdeli jóndeý jumystary bastalmaq. Bilim oshaqtaryna «Jol kartasy» memlekettik baǵdarlamasy aıasynda respýblıkalyq bıýdjet esebinen tıisti qarjy bólinip, qurylys jumystaryn júrgizetin merdiger mekemeler anyqtalǵan.
A.Baıtursynov atyndaǵy mekteptiń ishki jáne syrtqy árleý jumystarymen qatar elektr jáne dabyl qaǵý júıesi tolyǵymen jańartylady. Sonymen qatar, M.Lomonosov mektep gımnazııasynyń káriz, jeldetkish júıeleri jańartylsa, G. Tıtov jalpy orta mektebine jańa jylý júıesi ornatylmaq. Atalǵan mektepterdegi kúrdeli jóndeý jumystary aǵymdaǵy jyldyń tamyz aıynda aıaqtalyp, jańa oqý jylynda paıdalanýǵa beriledi. Qurylys jumystaryna tartylatyn jumysshylardyń 50 paıyzyn jergilikti turǵyndar quraǵaly otyr. Bul elimizdegi tótenshe jaǵdaı kezinde jumyssyz júrgen aýdan turǵyndaryna aıtarlyqtaı qolǵabys bolmaq.
Al Tólebı aýdanynda sońǵy úsh jyldyń qorytyndysy boıynsha 5 qabattan turatyn 10 turǵyn úı boı kóterip, bas-aıaǵy 540 páter paıdalanýǵa berilgen. Bıyl Lengir qalasyndaǵy 1-móltek aýdanynda 5 qabattan turatyn árqaısysy 20 páterli 9 úıdiń qurylysyn júrgizý josparlanyp otyr. Olardyń jalpy aýmaǵy - 11 000 sharshy metr, 180 páter. Búgingi tańda merdiger men ınjınırıngtik qyzmet kórsetýshi mekemeler anyqtalyp, kelisimshart jasalýda. Iаǵnı, kelesi jyly aýdanda 180 otbasy baspanaly bolady.
Túrkistan oblysy