Qazaqstan Respýblıkasynyń jańa Konstıtýsııasy jobasy boıynsha referendýmnyń ótýine oraı shet memleketterdiń basshylary men halyqaralyq uıymdardyń jetekshileri Prezıdent Qasym-Jomart Toqaevtyń atyna quttyqtaý jedelhattaryn joldady, dep habarlaıdy Egemen.kz Aqordanyń baspasóz qyzmetine silteme jasap.
Reseı Prezıdenti Vladımır Pýtın Qazaqstandaǵy konstıtýsııalyq ózgerister eki el arasyndaǵy odaqtastyq qatynastar men jan-jaqty strategııalyq seriktestikti odan ári arttyrýǵa septigin tıgizetinin atap ótti.
«Jalpyhalyqtyq daýys berý nátıjesi Sizdiń memlekettik ınstıtýttardy nyǵaıtý jáne eldiń ornyqty áleýmettik-ekonomıkalyq ilgerileýin qamtamasyz etý baǵytyndaǵy bastamalaryńyz keńinen qoldaý tapqanyn tolyq rastady», dep jazylǵan jedelhatta.О́zbekstan Prezıdenti Shavkat Mırzııoev aýqymdy saıası, áleýmettik-ekonomıkalyq jańǵyrý Jańa Qazaqstannyń turaqty damýyna yqpal etip, halyqaralyq arenadaǵy abyroı-bedelin nyǵaıtatynyna senim bildirdi.
«Osy mańyzdy saıası naýqanǵa azamattardyń belsendi qatysýynan, sondaı-aq referendým nátıjesinen Siz júrgizip jatqan reformalardy baýyrlas eldiń halqy jan-jaqty qoldaıtynyn anyq kóremiz», dep jazylǵan О́zbekstan basshysynyń jedelhatynda.Qyrǵyzstan Prezıdenti Sadyr Japarov Memleket basshysyn referendýmnyń tabysty ótýimen quttyqtap, ekijaqty qatynastardyń odan ári qarqyndy damı túsetinine senimdi ekenin jetkizgen.
Bul másele boıynsha eshqandaı kúmánim joq: Prezıdent ekzıt-poll qorytyndysymen tanysty
«Bul tarıhı ýaqıǵa elińizdi odan ári órkendetip, halyqtyń ál-aýqatyn arttyrý jolyndaǵy mańyzdy qadam bolatyny sózsiz. Sizdiń jetekshiligińizben yntymaq-birligi jarasqan Qazaqstan keleshekke qol sozyp, halyqaralyq bedelin dáıekti túrde nyǵaıtyp keledi», dep jazdy Sadyr Japarov.Ázerbaıjan Prezıdenti Ilham Álıev saıası júıeni jańǵyrtýdy jáne basqarý modelin jetildirýdi kózdeıtin Konstıtýsııanyń qabyldanýyn Qazaqstan tarıhyndaǵy jańa kezeńniń bastaýy retinde sıpattaǵan. Onyń pikirinshe, bul elimizdiń serpindi damýyna jáne halyqaralyq arenadaǵy róliniń kúsheıýine oń septigin tıgizedi.
Memleket basshysy: 15 naýryz – Konstıtýsııa kúni bolyp belgilenedi
Belarýs Prezıdenti Aleksandr Lýkashenko Konstıtýsııadaǵy qaǵıdattardyń iske asýy Qazaqstannyń gúldenýine negiz qalaıtynyn atap ótken.
«Referendým nátıjesi Sizdiń eldi jańǵyrtý jáne memlekettilikti nyǵaıtý baǵdaryńyzǵa azamattardyń senimi joǵary ekenin taǵy da dáleldedi. Qoǵamnyń Ádiletti Qazaqstandy qurý, onyń turaqty damýyn qamtamasyz etý jolyndaǵy aýyzbirshiligin ańǵartty», dep jazylǵan jedelhatta.Qazaqstan Prezıdentine jyly lebizin Serbııa Prezıdenti Aleksandr Výchıch te joldady.
«Elińizdiń shynaıy ári ýaqyt tezinen ótken dosy retinde Sizdiń órshil maqsat pen eleýli nátıjege umtylatyn ár qadamyńyzdy yqylaspen atap ótemin. Bul – kúrdeli sheshimder qabyldaýdy, kúndelikti jáne uzaqmerzimdi mindetterdi tabandy túrde oryndaýdy qajet etetin úlken jumys. Sonymen qatar tájirıbeli ári parasatty kóshbasshylardyń qalaı batyl sheshim qabyldaıtynyn kórsetedi», dep jazdy Serbııa Prezıdenti.Armenııa Premer-mınıstri Nıkol Pashınıan jedelhatta atap ótkendeı, jalpyhalyqtyq daýys berý qorytyndysy Qazaqstan azamattarynyń el Táýelsizdigi men egemendigin saqtaýǵa, zań ústemdik quratyn baqýatty zamanǵa saı qoǵam qurýǵa jaýapkershilikpen qaraıtynyn baıqatady. Sondaı-aq Qasym-Jomart Toqaevqa quttyqtaý jedelhattaryn Shanhaı yntymaqtastyq uıymynyń bas hatshysy Nurlan Ermekbaev, Táýelsiz Memleketter Dostastyǵynyń bas hatshysy Sergeı Lebedev, Túrki memleketteri uıymynyń bas hatshysy Kýbanychbek О́mirálıev, Ujymdyq qaýipsizdik sharty uıymynyń bas hatshysy Taalatbek Masadykov, Ekonomıkalyq yntymaqtastyq uıymynyń bas hatshysy Asad Madjıd Han, Joǵary Eýrazııalyq ekonomıkalyq keńes tóraǵasy Baqytjan Saǵyntaev jáne taǵy basqalar joldady. Memleket basshysynyń atyna quttyqtaý jedelhattary áli de kelip jatyr.