Saıası doktrına jobasy talqylandy

Taıaýda «Ǵylym qory» AQ-ta «Nur Otan» partııasynyń «Nur Otan. Nurly bolashaq jolynda!» saıası doktrına jobasy talqylandy. Oǵan «Ǵylym qory» AQ bastaýysh partııa uıymynyń músheleri men ujym músheleri tolyq qatysty.

Taıaýda «Ǵylym qory» AQ-ta «Nur Otan» partııasynyń «Nur Otan. Nurly bolashaq jolynda!» saıası doktrına jobasy talqylandy. Oǵan «Ǵylym qory» AQ bastaýysh partııa uıymynyń músheleri men ujym músheleri tolyq qatysty.

Jınalysty «Ǵylym» bastaýysh partııa uıymynyń tóraǵasy, «Ǵylym qory» AQ basqarma tóraǵasynyń mindetin atqarýshy A.Baıshekeev ashty. Kún tártibindegi másele – «Qazaqstan-2050» Strategııasyn júzege asyrý aıasynda «Nur Otan» halyqtyq-demokratııalyq partııasynyń jańa mindetteri týraly A.Baıshekeev jınalǵan qaýymdy tanystyrdy. Ol óz sózinde «Bastaýysh partııa uıymynyń basty maqsaty partııa Kóshbasshysynyń jańa saıası baǵdarynyń negizgi baǵyttaryn óz ujymynda, uıymynda jáne jumys ornynda belsendi júzege asyrý bolyp tabylady.

Bizdiń josparlarymyz strategııa­lyq sıpatta, elimizdiń aldynda turǵan aýqymdy maqsattardy eskere otyryp, soǵan sáıkestendirilgen bolý kerek. Bastaýysh partııa uıymdary jáne onyń músheleri saıası jumystyń jańa formalaryn taýyp, ıgerýleri tıis.

Biz óz ujymymyzdy, onyń árbir qyz­metkerin qamtý úshin aýqymdy aqpa­­rattyq-nasıhattyq jumystardy turaq­ty túrde júrgizip otyrýymyz qajet. Ult­tyq jalpy tabys árbir adam­nyń, árbir azamattyń tabysynan quralady. Bizdiń árqaısymyz jańa qazaq­stan­dyq patrıotızmniń rýhanı qun­dy­lyq­taryn qalyptastyrýymyz qajet. Árbir «nurotandyq» negizgi baǵyt­tary «Qa­zaq­stan-2050» Strate­gııa­synda anyq­tal­­ǵan elimizdi aýqymdy jań­ǵyr­tý­ǵa belsendi qatysýy tıis», dep atap kórsetti.

Baıandamadan keıin óz pikirlerin bildirgen partııa músheleri men ujym músheleri «Qazaqstan-2050» Stra­tegııasynyń negizgi mindetterin júzege asyrý arqyly Qazaqstan álemniń tańdaýly memleketteriniń qatarynan oryn alatynyna tolyq senetindikterin jáne tek elimizdiń ǵana emes, sonymen birge, partııamyzdyń jańarý men jańǵyrtý strategııasyn júzege asyrý úshin barlyq kúsh-jigerlerin salatyndaryn bildirdi.

A.Baıshekeev jınalysqa qaty­sýshylardy «Nur Otan» partııasynyń saıası doktrınasy jobasymen tanys­tyra otyryp, «Nur Otan. Nurly bolashaq jolynda» saıası doktrınasy elimizdiń ustanyp otyrǵan saıasatyna sáıkes der ýaqytynda usynylyp otyrǵan mańyzy zor irgeli qujat dedi. «Nur Otan» partııasynyń músheleriniń talqylaýyna usynylyp otyrǵan «Nur Otan. Nurly bolashaq jolynda!» saıa­sı doktrınasynda partııanyń ıdeologııasy naqtylanyp, uzaq merzimge arnalǵan negizgi qundylyqtary aı­qyn­dalyp kór­setilgen. Doktrına El­basynyń memle­ket­tik baǵytynyń turaq­tylyǵy men baıan­­dylyǵyn, kór­keıýin qamtamasyz ete­tin tirek retinde «Qazaqstan-2050» Stra­­tegııasyn tabys­ty júzege asyrýǵa qyz­­­met etedi jáne onyń qyzmet etý mer­­zi­mi birneshe on­jyldyqtarǵa eseptel­gen».

Baıandamadan keıin sóz alǵan partııa jáne ujym músheleri «Nur Otan» partııasy usynyp otyrǵan «Nur Otan. Nurly bolashaq jolynda!» saıası doktrınasyn tolyq qoldaıtynyna jáne júzege asyrýǵa belsene atsalysatyndaryna sendirdi.

Jıyn sońynda qatysýshylardyń talqylaýymen jáne maquldaýymen «Qazaqstan-2050» Strategııasyn júzege asyrý aıasynda «Nur Otan» halyqtyq-demokratııalyq partııasynyń jańa mindetterin júzege asyrý jáne «Nur Otan» partııasynyń «Nur Otan. Nurly bolashaq jolynda» saıası doktrınasy jobasyn qoldaý týraly qaýly qabyldandy.

«Egemen-aqparat».