Búginde aýdan, aýyl-aımaqtarda jumysy toqtap qalǵan kásiporyndar men jobalar óte kóp. Mine, osylarǵa ınvestısııa tartyp, qaıta jandandyrý maqsatynda jaqynda «Ońtústiktiń ınvestısııalyq jobalary» atty besinshi kórme ótkizildi.
Búginde aýdan, aýyl-aımaqtarda jumysy toqtap qalǵan kásiporyndar men jobalar óte kóp. Mine, osylarǵa ınvestısııa tartyp, qaıta jandandyrý maqsatynda jaqynda «Ońtústiktiń ınvestısııalyq jobalary» atty besinshi kórme ótkizildi.
Oǵan Shymkent qalasy men Ordabasy jáne Saıram aýdandaryndaǵy 30-ǵa jýyq ınvestısııalyq jobalar kórsetilip, óz kezeginde ár aýdan ákimderi jobalardy tanystyryp ótti. Taǵy bir erekshelik – ınvestorlarǵa jobalar týraly ǵana emes, aýdandardaǵy paıdaly qazba ken oryndary týraly da tolyq aqparattar jarııa etildi.
– Bul kórme oblys aýmaǵynda kásipkerlik nysandardyń kóbeıýine yqpalyn tıgizip otyr, – deıdi oblys ákiminiń orynbasary Saparbek Tuıaqbaev. – Búgingi kúni Údemeli ındýstrııalyq-ınnovasııalyq damý memlekettik baǵdarlamasyna qatysýǵa nıet bildirgen kásipkerler sany 101-ge jetti, bul respýblıka boıynsha ótinish berýshilerdiń 40 paıyzyn qurap otyr. Byltyrǵy jyly bizge tek 102 ótinish kelip túsken bolatyn. Qazir aýdandardaǵy paıdaly qazbalar qorlary ıgerile bastady, mysaly, Báıdibek aýdanynda traventın tasy ken ornyn ıgerýge 7 kásipkerden ótinish túsip otyr. Búgingi kúni sol ken ornynyń aýmaǵyn ındýstrııalyq aımaqqa aınaldyrý qarastyrylýda.
Al, oblystyq Kásipkerlerge qyzmet kórsetý ortalyǵynyń dırektory Nurjan Altaev «Bir aı kóleminde ınvestorlarǵa tıimdi ári mańyzdy degen 30-40 jobalar usynylǵan bolatyn. О́tken kórmelerdegi jobalarǵa qyzyǵýshylyq tanytyp, memorandýmǵa qol qoıǵan ınvestorlarǵa bizdiń ortalyq pen aýyl ákimdikteri tarapynan jan-jaqty kómek kórsetilýde. Mysaly, Túlkibas, Tóle bı aýdandary men Túrkistan qalasynyń ákimdikteri kásipkerlerge jobalardy iske asyrýǵa qajetti jer telimderin bólip berdi. Túlkibas aýdanynda 100 gektar aýmaqta ıntensıvti baý-baqsha otyrǵyzylyp, 5 gektarǵa «jerqulaq» sańyraýqulaǵy ósiriletin boldy. Túrkistanda kásipkerlerge ındýstrııalyq aımaqtan kirpish zaýytyn soǵýǵa, balyq sharýashylyǵyna arnalǵan aımaq, shynydan jasalǵan shólmek shyǵaratyn zaýyt salýǵa jer bólingen. Aıtyp ótý kerek, atalǵan jobalardyń qarjylandyrý máselesi osy bizdiń ortalyq arqyly júzege asýda», dep bul kórmeniń qol jetkizgen jetistigi kóp ekenin aıtyp ótti.
Kórmede Saıram aýdanynda quramajem shyǵaratyn zaýyt qurylysy, «jasyl» tehnologııany qoldaný arqyly jibek jibin óndiretin sharýashylyqty uıymdastyrý, kilem shyǵaratyn fabrıka qurylysy, ıntensıvti alma baq ósirý, Ordabasy aýdanynda shujyq sehyn salý, balyq sharýashylyǵyn damytý jáne óndeý jobasy, Shymkent qalasyndaǵy «Ońtústik» arnaıy ekonomıkalyq aımaqta» usynylatyn sharttar, qýattylyǵy 10 MVt jylý jáne elektr stansasyn salý, turmystyq qaldyqtardy qaıta óńdeý, sýdy tazalaıtyn qondyrǵylar daıyndaıtyn zaýyttaryn salý sekildi birqatar jobalardy usyndy.
Sóıtip, ınvestorlar men ákimdikter arasynda 23 memorandýmǵa qol qoıyldy. Eger bul jobalar qolǵa alynsa jalpy somasy 37,6 mlrd. teńgege ınvestısııalyq jobalar iske asyrylyp, atalǵan aýdandarda 3 myńǵa jýyq jańa jumys oryndary ashylady degen úmit bar. Al, «Ońtústiktiń ınvestısııalyq jobalary kórmesiniń» jalpy qorytyndysy boıynsha quny 110,9 mlrd. teńgeni quraıtyn 70 memorandýmǵa qol qoıylyp, oblysta 6 myń jańa jumys orny ashylady dep josparlanýda.
Oralhan DÁÝIT,
«Egemen Qazaqstan».
Ońtústik Qazaqstan oblysy.