Jyldaǵy dástúr boıynsha elorda jurtshylyǵyn qoljetimdi baǵada aýylsharýashylyq taýarlarymen qamtamasyz etý úshin elimiz óńirleriniń jármeńkesi bastaldy. Sharanyń alǵashqy legin Almaty jáne Shyǵys Qazaqstan oblystarynyń taýar óndirýshileri bastady. Atalǵan sharanyń ashylýyna Aýyl sharýashylyǵy mınıstri Asyljan Mamytbekov qatysty.
Jyldaǵy dástúr boıynsha elorda jurtshylyǵyn qoljetimdi baǵada aýylsharýashylyq taýarlarymen qamtamasyz etý úshin elimiz óńirleriniń jármeńkesi bastaldy. Sharanyń alǵashqy legin Almaty jáne Shyǵys Qazaqstan oblystarynyń taýar óndirýshileri bastady. Atalǵan sharanyń ashylýyna Aýyl sharýashylyǵy mınıstri Asyljan Mamytbekov qatysty.
Aldymen Almaty oblysyna kelsek, jármeńkege aımaqtyń 19 aýdany, qalalarynyń aýylsharýashylyq taýar óndirýshileri keldi.Bul jármeńkede azyq-túliktiń 56 túri Astana bazarlaryndaǵy baǵadan 15-40 paıyz aralyǵynda tómen baǵada saýdalandy. Sondaı-aq, jalpy quny 136 mıllıon teńge bolatyn 443 tonna aýylsharýashylyq taýarlary satyldy.
Jármeńkemen qatar, osy kúni jetisýlyqtar alańda etnoqalashyq ornatyp, onda kórkemóner jáne halyqtyń qoldanbaly óneri kórmesi uıymdastyryldy. Kórmede Jeńis Ysqabaıdyń fotosýretteri, Qurmanǵazy Qadyrovtyń teri, súıek, aǵash aralastyryp jasaǵan sýretteri, Tatıana Polshenko men DarıǵaAmanqosovanyń kartınalary astanalyqtarǵa usynyldy. Sonymen qatar, Eńbekshiqazaq aýdanyndaǵy Usta Dárkembaı atyndaǵy qolóner mýzeıi men Taldyqorǵandaǵy M.Tynyshpaev atyndaǵy tarıhı-ólketaný mýzeıiniń birqatar eksponattary da etnoqalashyqtan oryn tepti. Ulttyq saıatshylyq ónerdi nasıhattaıtyn oblystaǵy «Jeti qazyna» qusbegiler murajaıynyń jádigerleri de kópshiliktiń nazaryn aýdardy. Jármeńkege kelýshiler jetisýlyq «Qulansaz» folklorlyq-etnografııalyq ansambliniń konsertin tamashalady.
Shyǵys Qazaqstan oblysynan jármeńkege Glýbokoe, Borodýlıha jáne Kókpekti aýdandarynyń taýar óndirýshileri keldi. Olar qala turǵyndaryna 27 tonna bal, 500 kg sút jáne shujyq ónimderi men 3,5 tonna suıyq maı, 2 tonna jarma, 10 tonna kartop jáne 7 tonna kókónis-baqsha ónimderin usyndy.
Jármeńke qalanyń ortalyq alańynda apta saıyn demalys kúnderi 3 qarashaǵa deıin jalǵaspaq. Oǵan deıin Astanaǵa elimizdiń barlyq aımaqtary óz ónimderin usynady dep josparlanǵan.
Ábdirahman QYDYRBEK,
«Egemen Qazaqstan».