Umytylmaıtyn esim

Saǵı Jıenbaev atyndaǵy oblystyq jasóspirimder kitaphanasynyń qyzmetkerleri Qazaq KSR-iniń eńbek sińirgen ártisi, qazaqtan shyqqan tuńǵysh balerına Nursulý Tapalovanyń týǵanyna 90 jyl tolýyna oraı №36 mekteptiń joǵary synyp oqýshylary úshin «Bı erkesi» atty tanymdyq saǵatyn uıymdastyrdy.

Saǵı Jıenbaev atyndaǵy oblystyq jasóspirimder kitaphanasynyń qyzmetkerleri Qazaq KSR-iniń eńbek sińirgen ártisi, qazaqtan shyqqan tuńǵysh balerına Nursulý Tapalovanyń týǵanyna 90 jyl tolýyna oraı №36 mekteptiń joǵary synyp oqýshylary úshin «Bı erkesi» atty tanymdyq saǵatyn uıymdastyrdy.

Uly óner ıesiniń esimin dá­riptep, urpaq esinde máńgi qal­­dyrý maqsatynda uıym­das­ty­rylǵan sharanyń barysynda ataqty balerınanyń ómiri jáne shyǵarmashylyq joly jaıly áńgime qozǵaldy.

Nursulý Elýbaıqyzy 1923 jyly Aqtóbe ob­lysy Oıyl aýdanynda dú­nıege kelgen. 1950-60-jylda­ry sahnanyń sá­nine aınalyp, qazaqtyń tuń­ǵysh balerınasy atanǵan bıshi Nur­sulý Tapalovany eń alǵash ónerge tartqan akademık Ahmet Jubanov eken. Qarshadaı qyzdy Almatydaǵy opera jáne balet teatrynyń kórkemdik je­tek­shi­si Q.Jandarbekov pen ba­let­meıs­ter A.Aleksandrov qam­qor­­lyqtaryna alady. Ol I.N. Na­­dırovtyń «Kókteminde», P.I. Chaı­­kovskııdiń «Aqqý kólinde», t.b. balettik partııalardy bıledi. Sondaı-aq, ulttyq operalardaǵy E.G.Brýsılovskııdiń «Qyz Ji­­be­ginde», A.Jubanov pen L.Ha­mı­dıdiń «Abaıynda», M.Tó­le­baev­tyń «Birjan-Sarasynda» jeke bılerdi naqyshyna kel­ti­re oryndady. 1953 jyldan «Qa­zaq­konserttiń» solısi qyz­me­tin atqaryp, estradalyq án-bı, mınıatıýra janrynda eń­bek etti. «Qurmet Belgisi» or­den­i­men, Qazaq KSR-iniń eńbek si­ńirgen ártisi ataǵymen ma­rapattalǵan balet bıshisi Nur­sulý Tapalova 1998 jyly 75 jasynda ómirden ozdy.

Shara barysynda oqýshylar vıktorınaǵa qatysyp, «Qazaq halqynyń ónerpaz qyzy» atty kitap kórmesimen tanysty.

Radna QÝANDYQQYZY,

kitaphana qyzmetkeri.

Aqtóbe oblysy.