Alash arysy Ahmet Baıtursynov baspasóz týraly «Áýeli, gazet – halyqtyń kózi, qulaǵy Hám tili... Gazet – halyqtyń daýysy. «Jurtym» dep halyqtyń aryn arlap, zaryn zarlap, namysyn joqtaıtyn azamattary gazet arqyly halyqtyń sózin sóılep, paıdasyn qorǵap, zararyna qarsy turyp, qarǵaǵa kózin shoqytpasqa tyrysady» dep paıymdaǵan eken.
Búginde gazet-jýrnaldar kóp bolǵanmen, olardyń arasynda kópshilikke etene jaqyn tanylyp qalǵan basylymdar da barshylyq. Solardyń biri, jaryqqa shyqqanyna 3-aq jyl bolsa da óz oqyrmanyn taba bilgen «Halyq sózi» gazeti. «Halyq sózi» respýblıkalyq qoǵamdyq-saıası gazetiniń bas redaktory Qýat ÁÝESBAIDY áńgimege tartqan edik.
Alash arysy Ahmet Baıtursynov baspasóz týraly «Áýeli, gazet – halyqtyń kózi, qulaǵy Hám tili... Gazet – halyqtyń daýysy. «Jurtym» dep halyqtyń aryn arlap, zaryn zarlap, namysyn joqtaıtyn azamattary gazet arqyly halyqtyń sózin sóılep, paıdasyn qorǵap, zararyna qarsy turyp, qarǵaǵa kózin shoqytpasqa tyrysady» dep paıymdaǵan eken.
Búginde gazet-jýrnaldar kóp bolǵanmen, olardyń arasynda kópshilikke etene jaqyn tanylyp qalǵan basylymdar da barshylyq. Solardyń biri, jaryqqa shyqqanyna 3-aq jyl bolsa da óz oqyrmanyn taba bilgen «Halyq sózi» gazeti. «Halyq sózi» respýblıkalyq qoǵamdyq-saıası gazetiniń bas redaktory Qýat ÁÝESBAIDY áńgimege tartqan edik.
– Qýat, óziń jetekshilik etetin respýblıkalyq «Halyq sózi» gazetine bıyl 3 jyl tolyp otyr. Osy ýaqyt ishinde basylym betinde jarııalanǵan materıaldardy toptastyryp kitap shyǵarǵan ekensińder. Áńgimemizdi osydan bastasaq.
– Úsh jylda «Halyq sózi» gazetiniń 300-ge jýyq sany jaryq kórip úlgerdi. Boldyq-toldyq deýden aýlaqpyz, tek aldy-artymyzǵa kóz tastap, ótken-ketkendi oı eleginen ótkizip, saraptap-saralap, oqyrmandarymyzǵa esep berip qoıýdy ǵana maqsat etip otyrmyz. Jınaq shyǵarý ıdeıasy oqyrmandarymyzdyń óz ishinen shyqqanyn aıta ketý kerek. Kitapqa sońǵy 3 jylda jarııalanǵan maqalalar men suhbattardyń eń negizgileri suryptalyp engizildi. Búgingi jańalyqtyń jarshysy, ıaǵnı jýrnalısterdiń erteńgi tarıhty da tasqa basyp júrgenin eskersek, bul jınaqtyń osy turǵydan alǵanda da qundylyǵy basym deýge bolatyn shyǵar. Gazettiń ózi bir kúndik bolǵanmen, sózi myńjyldyq ekeni ras. Mysalǵa Alash qaıratkerleri shyǵarǵan «Qazaq» gazetinde qaýzalǵan máseleler ǵasyrǵa jýyq ýaqyt ótse de kúni búginge deıin mańyzyn joǵaltqan joq. Al sol kezeńde jaryq kórgen máseleler zańdy sabaqtastyǵyn taýyp búgingi baspasózde de aıtylyp, jazylyp júr. Endeshe, qazaq baspasóziniń tarıhy – qazaqtyń tarıhy deýge ábden negiz bar. Árıne, tarıh úshin 3 jyl degen kóp ýaqyt bola qoımaýy múmkin. Desek te, osy ýaqytta búgingi qazaqtyń sút betine shyǵar qaımaqtarynyń túgeli derlik bizdiń basylymǵa suhbat berip, óz oı-pikirin, elge ónege, ósıet bolarlyq áńgimesin aqtaryla aıtty. Sherhan Murtaza, Qabdesh Jumadilov, Qalıhan Ysqaq, Tólen Ábdikuly, Nesipbek Aıtuly, Kamal Ormantaev, Seıithan Joshybaev, Toqtar Áýbákirov syndy elýge jýyq aýzy dýaly, sózi ýáli azamattardyń syr-suhbaty toptastyrylyp berildi jınaqqa.
– Iаǵnı halyq sózin aıtyp júrgen azamattardyń aǵynan jarylǵan áńgimesin «Halyq sóziniń» jınaǵynan tabasyzdar deısiń ǵoı. Jón-aq eken. Shyǵarmashylyq ujymnyń tek gazet shyǵaryp qana qoımaı, kóptegen qoǵamdyq isterde de aty atalyp júrgenin bilemiz. Mundaǵy maqsat ne?
– Eń áýeli kez kelgen máseleniń saldaryn ǵana jazyp qoımaı, sebebine de tereńdep úńilýdi jón sanadyq. Qazir tehnıka damyǵan, ınternettiń zamany, aqparat tasqyny kóz ilespes jyldamdyqpen kelip jatyr. Qysqasy, bólmeden shyqpaı-aq gazet shyǵara berýge bolatyndaı múmkindik jasalyp qoıǵan. Desek te, eldiń óz ishin zerttep bilmeı, buqaramen baılanys jasamaı, ınternet arqyly taraǵan aqparatty ǵana alǵa tartyp, bylaısha aıtqanda, syrtynan ton pishken gazet qaıtyp halyqtyń kózi, qulaǵy, tili bola alady?! Jáne ondaı aqparat quralynyń buqara aldynda bedeli bola ma, jalpy? Osy máselege jete mán berip, qoǵamdyq is-sharalarǵa da belsene aralasyp otyrýdy qup kórdik. Máselen, múmkindigi shekteýli jandardyń máselesi qatty tolǵandyrdy bizdi. Olardyń muń-muqtajyn gazette jazýdaı-aq jazyp júrmiz, biraq ishki jan dúnıesine úńile aldyq pa, kóńilin aýlap, janyna medet bola alatyndaı is qyldyq pa degen