Túrkistan oblysy men oblys ortalyǵyndaǵy aǵyn sý tapshylyǵyn joıyp, sýarmaly jerlerdiń tıimdiligin arttyrý jáne únemdeý baǵytynda aýqymdy jobalar qolǵa alyndy.
Qýarǵan jer bederin jańartý úshin Túrkistan aýmaǵynda respýblıkalyq 2 joba iske qosyldy. Syıymdylyǵy 18 mln tekshe metr bolatyn «Keńsaı Qosqorǵan-2 sý qoımasyn salý» jobasyna 2 mlrd teńge qaralyp, jumys bastaldy. Jańa joba quny – 5,9 mlrd teńge. Sonymen qatar, «Túrkistan magıstraldy kanalyn kúrdeli jóndeý» jobasyna 4 mlrd teńge kózdelip, búgingi kúnge 9,6 shaqyrym kanal betondalǵan. Al «Shoshqakól kólder júıesin damytý» jobasy taıaý kúnderi «Jumyspen qamtýdyń Jol kartasy» aıasynda júzege asa bastaıdy. Odan bólek, «Syrdarııa ózeninen mashınaly ádispen sý berý jobasy» qolǵa alynyp, tehnıkalyq ekonomıkalyq negizdemesi men jobalyq qujattary ázirlenýde. Nátıjesinde, atalǵan jobalar óńirdegi aǵyn sý máselesiniń sheshimin tabýyna yqpal etedi. Al Túrkistan qalasy jalpy 196 mln tekshe metr aǵyn sýmen qosymsha qamtylatyn bolady.
Sondaı-aq jergilikti bıýdjet esebinen 16 nysanda jóndeý jumystary júrgizilýde. Iаǵnı 9,5 myń gektar alqaptyń sýarý qabileti jaqsaratyn bolady. Oblys ákimi О́mirzaq Shókeevtiń tikeleı tapsyrmasymen, jergilikti bıýdjet esebinen 134 tik drenajdy uńǵymalardyń jumys isteý qabiletin qalpyna keltirý jumystary da qolǵa alynǵan. Joba quny – 2,6 mlrd teńge. Ázirge Túrkistan aýmaǵynda 40 tik drenajdy uńǵyma qalpyna keltirildi. Osylaısha, óńirde egis alqaptaryn sýlandyrý máselesi sheshilip keledi.
Aǵyn sý barǵan aýmaqtardy aralap, jergilikti sharýalarmen kezdesken oblys ákimi О́mirzaq Shókeev birqatar jumystar «Túrkistan oblysyn áleýmettik-ekonomıkalyq damytýdyń 2024 jylǵa deıingi keshendi jospary» aıasynda atqaryla bastaǵanyn aıtyp ótti. Jaýapty basshylarǵa tıisti nusqaýlar berdi. Tik drenajdar men kollektorlyq júıeler tolyqtaı qalpyna keletin bolsa, jerdiń tuzdaný máselesi sheshilip, topyraǵynyń qunarlyǵy birneshe ese joǵarylaıtyn bolady. Ala jazdaı atyz jaǵalaǵan dıqannyń tókken teri aqtalady.
Túrkistan oblysy