Esimi bar qazaqqa qadirli Mıhaıl Esenálıev kózi tiri bolsa 85 jasyn toılaıdy eken. О́kinishke qaraı, belgili dıplomat búginde aramyzda joq. Azan shaqyryp qoıǵan esimi Hakim, ákesiniń aty Tilegen ekenin kópshilik bile bermeıtin Mıhaıl Ivanovıch Reseıdiń Saratov oblysyndaǵy Pıterka aýylynda dúnıege kelgen. Sanaly ǵumyryn Qazaq eliniń kórkeıýine, ósip-órkendeýine arnaǵan aıaýly azamatty eske alý maqsatynda ál-Farabı atyndaǵy Qazaq ulttyq ýnıversıtetinde ǵylymı-tájirıbelik konferensııa bolyp ótti. Konferensııa jumysy ǵalymnyń qyzmetine arnalǵan «Eldestirmek Elshiden» atty derekti fılmniń kórsetilimimen bastaldy.
Esimi bar qazaqqa qadirli Mıhaıl Esenálıev kózi tiri bolsa 85 jasyn toılaıdy eken. О́kinishke qaraı, belgili dıplomat búginde aramyzda joq. Azan shaqyryp qoıǵan esimi Hakim, ákesiniń aty Tilegen ekenin kópshilik bile bermeıtin Mıhaıl Ivanovıch Reseıdiń Saratov oblysyndaǵy Pıterka aýylynda dúnıege kelgen. Sanaly ǵumyryn Qazaq eliniń kórkeıýine, ósip-órkendeýine arnaǵan aıaýly azamatty eske alý maqsatynda ál-Farabı atyndaǵy Qazaq ulttyq ýnıversıtetinde ǵylymı-tájirıbelik konferensııa bolyp ótti. Konferensııa jumysy ǵalymnyń qyzmetine arnalǵan «Eldestirmek Elshiden» atty derekti fılmniń kórsetilimimen bastaldy.
M.Esenálıevtiń esimi dıplomat retinde ǵana emes, qazaq halqynyń órkendeýine, kópultty mádenıettiń damýyna, Qazaqstannyń halyqaralyq baılanysynyń nyǵaıýyna úlken úles qosqan iri memleket qaıratkeri retinde keńinen tanys. Ol ádebıet pen óner salasyna da eńbek sińirgen azamat. Ásirese, elimiz óz táýelsizdigine qol jetkizgen alǵashqy kezeńderi «Azat» azamattyq qozǵalysyn quryp, oǵan jetekshilik etken kórnekti qoǵam qaıratkeri.
– Búgingi kún elimiz tarıhyndaǵy aıtýly kúnderdiń birine sanalmaq, – dedi konferensııada sóz sóılegen Syrtqy ister mınıstri E.Ydyrysov, – óıtkeni, sizder men bizder halqymyz sandaǵan ǵasyr ańsaǵan táýelsizdik atty uly armanǵa qol jetkizýine óziniń bilimi men biligi, qaıraty men jigeri, azamattyq bolmysy men qaıratkerlik tulǵasy arqyly ólsheýsiz úles qosqan, egemendi eldiń erteńine erkin de nyq qadam jasaýyna aıanbaı eńbek etken birtýar el perzentin eske alyp, ol týraly oı-tujyrymymyzdy ortaǵa salmaqpyz. Bul – arystaryn ardaqtaı bilgen, birligi uıyǵan elge tán qasıet. M.Esenálıev el azamaty, qarapaıym halyqtyń qamyn oılap, talap qoıa biletin úlken parasat ıesi edi...
«Táýelsizdiktiń tańy atyp, tanym kókjıegi keńeıe bastaǵan tusta ýaqyt suranysyna saı ál-Farabı atyndaǵy Qazaq ulttyq ýnıversıtetinde dáris oqyp, san shákirtti qanat qaqtyrǵan ulaǵatty ustazdyń esimin biz eshqashan umytpaq emespiz. Sonyń bir belgisi retinde ýnıversıtetimiz taǵylymdyq istiń basy etken «О́negeli ómir» atty serııalyq kitabymyzdyń kezekti shyǵarylymyn memleket jáne qoǵam qaıratkeri M.Esenálıevtiń 85 jyldyq mereıtoıyna arnap otyrmyz. Onyń ǵıbratty ǵumyry óskeleń urpaqqa úlgi bolady dep senemiz», dedi konferensııada sóz sóılegen ýnıversıtet rektory Ǵ.Mutanov.
Konferensııa jumysyna Dıplomatııa akademııasynyń professory T.Súleımenov, dıplomatııalyq qyzmet ardageri S.Qurmanǵojın, qoǵam qaıratkeri Sh.Jánibekov, Mıhaıl Ivanovıchtiń zaıyby Maıa Esenálıeva, Reseıdiń Saratov oblysynan kelgen jerlesteri, týystary, dostary, áriptesteri qatysty. Olar Mıhaıl Ivanovıchtiń arýaǵyn eske alyp, ol týraly estelikterimen bólisti.
Sharafaddın ÁMIROV,
«Egemen Qazaqstan».
ALMATY.