Ýkraınanyń astanasy – Kıev qalasynda 8-15 qyrkúıek aralyǵynda bolyp ótken bokstan jasóspirimder arasyndaǵy álem chempıonaty Qazaqstan quramasy úshin tabysty aıaqtaldy.
Sharshy alańdaǵy ústindegi shaıqastardyń qorytyndysynda 2 altyn, 1 kúmis jáne 5 qola medal jeńip alǵan bizdiń ulandarymyz árbiri 3 altyn medaldan ıelengen Reseı men Kýba komandalarynan keıingi úshinshi orynǵa taban tiredi. Alań ıeleri – Ýkraına jasaǵy tórtinshi bolsa, besinshi satyǵa – AQSh, altynshy beleske Irlandııa komandalary ornalasty.
Ýkraınanyń astanasy – Kıev qalasynda 8-15 qyrkúıek aralyǵynda bolyp ótken bokstan jasóspirimder arasyndaǵy álem chempıonaty Qazaqstan quramasy úshin tabysty aıaqtaldy.
Sharshy alańdaǵy ústindegi shaıqastardyń qorytyndysynda 2 altyn, 1 kúmis jáne 5 qola medal jeńip alǵan bizdiń ulandarymyz árbiri 3 altyn medaldan ıelengen Reseı men Kýba komandalarynan keıingi úshinshi orynǵa taban tiredi. Alań ıeleri – Ýkraına jasaǵy tórtinshi bolsa, besinshi satyǵa – AQSh, altynshy beleske Irlandııa komandalary ornalasty.
Chempıonatta árbiri 4-5 retten urystar ótkizgen bizdiń baǵlandardyń arasynda qaraǵandylyq Abylaıhan Júsipov (57 kg) pen astanalyq Rahat Myrjyqpaev (66 kg) altyn medalǵa qol jetkizse, almatylyq Qadyrbek Sadyqbek (70 kg) kúmis júldeli boldy. Bulardyń aldyńǵy ekeýi aqtyq aıqasty tıisinshe reseılik Gýseın Magomedovpen jáne ázerbaıjan Rovshan Mýsaevpen ótkizip, ekeýi de 3:0 esebimen jeńiske jetse, keıingisi fınalda ýkraınalyq Ramıl Gadjıevpen judyryqtasyp, dál álgindeı eseppen ese jiberip aldy. Al qola medaldy jartylaı fınalda qarsylastaryna jol berip qoıǵan Álimjan Beskempir (46 kg), Serik Temirjanov (48 kg), Stoıan Mazýr (50 kg), Baýyrjan Temirhan (52 kg) jáne Dmıtrıı Zısko (+80 kg) esimdi jas bylǵary qolǵap sheberleri enshiledi. Bulardyń arasyndaǵy Stoıan Mazýr, Abylaıhan Júsipov, Rahat Myrjyqpaev jáne Dmıtrıı Zısko, sondaı-aq irikteý synaqtarynda jarys jolynan shyǵyp qalǵan Sabyrjan Ábilov pen Vıacheslav Stolbovskıı bıyl kóktemde ǵana Shymkentte ótken Azııa chempıonatynda altyn medal ıegerleri atanǵan bolatyn. Endi, mine, solardyń birazy osy ataqtaryna taǵy bir dáreje qosyp otyr.
Damır QOJAMQUL.
(Chempıonattyń tolyq tehnıkalyq málimetterin gazet saıtyndaǵy «Boks. Álem chempıonaty: Qazaqstan úshinshi orynda» habarynan tanysa alasyzdar).