2013 jylǵy 18 maýsym, Astana, Úkimet Úıi
«Ulttyq ǵylymı keńester týraly» Qazaqstan Respýblıkasy Úkimetiniń 2011 jylǵy 16 mamyrdaǵy № 519 qaýlysyna ózgeris engizý týraly
Qazaqstan Respýblıkasynyń Úkimeti qaýly etedi:1. «Ulttyq ǵylymı keńester týraly» Qazaqstan Respýblıkasy Úkimetiniń 2011 jylǵy 16 mamyrdaǵy № 519 qaýlysyna (Qazaqstan Respýblıkasynyń PÚAJ-y, 2011 j., № 38, 468-qujat) mynadaı ózgeris engizilsin:kórsetilgen qaýlymen bekitilgen Ulttyq ǵylymı keńester týraly ereje osy qaýlyǵa qosymshaǵa sáıkes jańa redaksııada jazylsyn.2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.Qazaqstan Respýblıkasynyń Premer-Mınıstri S.Ahmetov.
Qazaqstan Respýblıkasy Úkimetiniń 2013 jylǵy 18 maýsymdaǵy № 619 qaýlysyna qosymshaQazaqstan Respýblıkasy Úkimetiniń 2011 jylǵy 16 mamyrdaǵy № 519 qaýlysymen bekitilgen
Ulttyq ǵylymı keńester týraly ereje
1. Jalpy erejeler1. Osy Ulttyq ǵylymı keńester týraly ereje (budan ári – Ereje) «Ǵylym týraly» 2011 jylǵy 18 aqpandaǵy Qazaqstan Respýblıkasynyń Zańyna sáıkes ázirlendi jáne ulttyq ǵylymı keńester (budan ári – keńester) qyzmetiniń quqyqtyq jáne uıymdastyrýshylyq negizderin aıqyndaıdy.2. Keńester ǵylymı jáne (nemese) ǵylymı-tehnıkalyq qyzmettiń damý baǵyttary boıynsha alqaly organdar bolyp tabylady.3. Keńester Qazaqstan Respýblıkasynyń áleýmettik-ekonomıkalyq damýynyń memlekettik basymdyqtaryna sáıkes ǵylym baǵyttary boıynsha qurylady.4. Keńesterdiń jumysyn uıymdastyratyn memlekettik ǵylymı-tehnıkalyq saraptama ulttyq ortalyǵy (budan ári – saraptama ortalyǵy) keńesterdiń jumys organy bolyp tabylady.
2. Keńesterdiń quramy5. Keńesterdiń quramy úsh jyl merzimge bekitiledi jáne múshelerdiń taq sanynan quralýy tıis. 6. Keńesterdiń quramdaryn ǵylym salasyndaǵy ýákiletti organ salalyq ýákiletti organdardyń, ǵylymı uıymdardyń, joǵary oqý oryndary men ǵylymı-qoǵamdyq birlestikterdiń usynystary men usynymdary boıynsha qazaqstandyq jáne sheteldik quzyretti ǵalymdardyń, memlekettik organdardyń, ulttyq basqarýshy holdıngterdiń, ulttyq damý ınstıtýttarynyń, ulttyq holdıngterdiń, ulttyq kompanııalardyń, jeke kásipkerlik sýbektileriniń ókilderi qatarynan qalyptastyrady jáne olardy Qazaqstan Respýblıkasynyń Úkimeti bekitedi. 7. Keńesterdiń quramyna saılanatyn qazaqstandyq ǵalymdardyń mamandyǵy boıynsha keminde 10 jyl jumys ótili jáne sońǵy 5 jylda mamandyǵy boıynsha keminde 2 Hırsha ındeksi bar bolýy tıis. Gýmanıtarlyq, qoǵamdyq, saıası jáne áleýmettik ǵylymdar salasynda mamandandyrylǵan ǵalymdarǵa sońǵy 5 jylda mamandyǵy boıynsha keminde 2 Hırsha ındeksiniń bolý talaby qoldanylmaıdy.8. Qazaqstandyq ǵalymdardy keńesterdiń quramyna irikteý ǵylym salasyndaǵy ýákiletti organ qurastyrǵan, sońǵy 5 jyl ishindegi ǵalymdardyń Hırsha ındeksi boıynsha ranjırlengen jarııalanymdary tiziminiń negizinde júrgiziledi. Bul rette keńesterdiń quramyna osy tizimge sáıkes kóbirek Hırsha ındeksi bar ǵalymdar irikteledi.9. Keńester quramynyń jıyrma paıyzdan aspaıtyn, biraq árbir keńeste bir músheden kem emes bóligi álemdegi jetekshi ǵylymı nemese ǵylymı-bilim berý uıymdarynyń ókilderi bolyp tabylatyn, aǵylshyn tilin erkin meńgergen jáne sońǵy 5 jylda keminde 10 Hırsha ındeksi bar sheteldik ǵalymdar qatarynan qalyptasady.10. Keńester quramynyń jıyrma paıyzdan aspaıtyn bóligi memlekettik organdardyń (ǵylym salasyndaǵy ýákiletti organ ókilderin qospaǵanda), ulttyq basqarýshy holdıngterdiń, ulttyq damý ınstıtýttarynyń, ulttyq holdıngterdiń, ulttyq kompanııalar men jeke kásipkerlik sýbektileriniń ókilderinen qalyptasady. 11. Keńes quramynyń jıyrma paıyzdan astamyn quraıtyn bir uıymnyń qyzmetkerleri jáne keńestiń basqa múshesiniń tikeleı baǵynysyndaǵy adamdar keńes quramyna saılanbaıdy. 12. Árbir keńeste qazaqstandyq ǵalymdar ishinen tóraǵa jáne tóraǵanyń orynbasary saılanady. 13. Keńes tóraǵasy onyń qyzmetin basqarady, keńesterdiń otyrystarynda tóraǵalyq etedi, keńestiń jumysyn josparlaıdy jáne óz qyzmeti sheńberinde memlekettik organdarmen, sondaı-aq basqa da uıymdarmen ózara is-qımyl júrgizý kezinde keńestiń atynan ókildik etedi. 14. Tóraǵa bolmaǵan jaǵdaıda onyń fýnksııalaryn orynbasary atqarady. 15. Tóraǵa keńes músheleriniń arasynan hattamany resimdeýge jaýap beretin keńestiń hatshysyn aıqyndaıdy. Keńestiń hatshysy keńes sheshimder qabyldaǵan kezde daýys berý quqyǵyna ıe.
3. Keńe