Jastar jumysyn jalǵastyra beredi

Barlyq oblysta tótenshe jaǵ­daıda jumys isteıtin arnaıy volonterler shtabtary qury­lyp, óz jumystaryn bas­tap ketti. Osyndaı shtabtyń biri Aqtóbe oblysynda Jastar saıa­saty máseleleri bas­qarmasy ob­lys­tyq Jastar resýrs­tyq orta­ly­ǵynyń janynan qu­ryldy.

Shtab naýryz aıynyń ortasynan bastap jumys istep keledi. Qazirgi tańda 200-ge jýyq volonter kúndelikti jumystarǵa aralasýda. Volonterler arasynda 18 jasqa tolǵan, jumys isteıtin jastar, ózin-ózi qamtyǵan jas kásipkerler, stý­dentter, Jastar resýrstyq or­talyǵynyń ókilderi, jastar uıym­darynyń, óńirimizdiń belsendi jumys istep jatqan volonterlik toptarynyń músheleri bar.

Volonterler qataryna óńiri­miz­diń 18 jasqa tolǵan kez kelgen azamaty qosyla alady. Alaı­da arnaıy nusqaýlyqtardy qa­tań túrde saqtaýlary kerek. Vo­lonterlerdiń saqtyǵy úshin ar­naıy chat ashylyp, barlyq kelis­sózder, aqparat sol jerde tal­qylanady. Bul top bolyp shoǵyr­lanýdyń aldyn alady. Jumys barysynda arnaıy tapsyrmalar vıdeo, qońyraý jáne arnaıy chat arqyly eskertilip, nusqaýlyqtar berilip otyrady.

Tapsyrmanyń mazmunyna qa­raı volonterler aqparat­tandyrylyp, nıetti adamǵa mindetteledi. Iаǵnı tap­syrmany oryndaý erikti túrde. Kóbine ýaqytyna, kásibı bilik­tiligi, mamandyǵyna qaraı ta­ǵa­ıyn­dalady. Tapsyrmalar ob­lys­tyq shtab­qa kelip túsken ótinishterge negizdeledi.

Memleket tarapynan bólingen qar­jymen qatar qoǵamdyq qorlar, kásipkerler men demeýshilerdiń kóme­gimen alynǵan azyq-túlikter pa­ketteri jalǵyzbasty qarııalarǵa, jalǵyzbasty analarǵa, kóp balaly, az qamtylǵan otbasylar men múm­kindigi shekteýli jandar tárbıe­lep otyrǵan otbasylarǵa jetkizildi. Búginge deıin #Bizbirge­miz­ aksııasy aıasynda 1 793 otbasyna kómek kórsetildi.

Sonymen qatar volonterler dári­gerlermen birge em qabyldaıtyn 67 qartqa jergilikti emhanalardan dári-dármek jetkizdi. Dárilerdi taratýda «Aqtóbe qaıyrymdy jandar», «Úmit Nury», «Volunteer2020.aktobe» toptary belsendilik tanytty.

Sonymen birge volonterler­ mas­ka tigip, shtab jumysyna jumyldy­rylǵan eriktilerge, áleýmettik qyz­metkerlerge jáne qoǵamdyq taza­lyqty qamtamasyz etip júrgen jumys­shylarǵa, qala turǵyndaryna tegin taratty. Búginge deıin jalpy sany 14 033 maska taratyldy.

Blok-beket jumystaryna tar­tyl­ǵan qyzmetkerlerge qol­daý bildirip, olarǵa ystyq tamaq­tardy úlestirýde de volonterler belsendilik tanytýda. Bul jumystarǵa «Júrekten júrekke», «Aqtóbe qaıyrymdy jandar», «Qyzyl Aı» qoǵamdyq qory volon­terleri tartyldy. Qala­daǵy reıd jumystaryna túrli volonterlik top­tardan birlesken «Anticovid19» jáne «Jas saqshy» jasaǵy toby­nyń jastary kó­mektesýde.

Bárimizge belgili, shetelden kelip jatqan qazaqstandyq stýdentter qazirgi tańda karantındik ortalyqtarda baqylaýda. Olar óz­ge oblystyń stýdentteri bolǵan­dyq­tan M.Ospanov atyndaǵy Batys Qazaqstan medısına ýnıversı­teti­niń janynan qurylǵan «Medık volonterler» men «Qyzyl Aı» qo­ǵamdyq qorynyń volonterleri karantındegi stýdentterge olardyń suranysy boıynsha dúkenderden azyq-túlikter, jeke gıgıenalyq zattar jetkizip berýde. Jumys barysynda barlyq sanıtarlyq erejeler men qaǵıdalar saqtalady. Volonterler shtaby óz jumysyn ári qaraı jalǵastyrýǵa nıetti. «Bir jaǵadan bas, bir jeńnen qol shyǵa­ryp», birlesip, bul kezeńnen de aman-esen shyǵamyz degen senimdemiz.

Nursultan ELEÝOV,

Aqtóbe oblystyq volonterler shtabynyń jetekshisi