Kásiporynnyń baılanys jáne aqparat qyzmetiniń málimetinshe, jyldaǵydaı elimizdiń Energetıka mınıstrligi bekitken jóndeý jumystaryn júrgizý kestesine sáıkes zaýyttaǵy jóndeý jumystar 25 mamyr-13 maýsymy aralyǵyna josparlanǵan.
Al, bıylǵy jóndeý jumystarynyń erte bastalýyna sebep-bıylǵy Tótenshe jaǵdaı kezeńine saı bolǵan.
Sondyqtan, alyp zaýyttyń jyldaǵydaı ótkiziletin kúrdeli jóndeý jumystarynyń josparyna ózgeris engizilgen.
Iаǵnı, kásiporyn jumys kólemin tolyq oryndaý maqsatynda josparly jóndeý-aldyn alý sharalarynyń erte bastalǵanyn málim etti.
Tótenshe jaǵdaı tártibin saqtaý maqsatynda «PMHZ» JShS-de jóndeý jumystaryn qaýipsiz júrgizýin qamtamasyz etý boıynsha tıisti taldaý jasaldy.
Kásiporyn basshylyǵy munaıshy-jumysshy,qyzmetkerleriniń qaýipsizdigin qamtamasyz etý úshin 8 saǵattyq jumys kestesin belgiledi.
Sondaı –aq, túngi ýaqytta jumys jasaý úshin kásiporynda jumystardy júrgizý kestesi men merdiger uıymdardyń jumys tártibi qaıta qaraldy.
Bul úshin jóndeý jumystaryn júrgizetin mamandarǵa jumys alańdarynda, qoǵamdyq tamaqtaný oryndarynda jáne tasymaldaý kezinde qolaıly jaǵdaı jasaldy.
Al, jalpy «QazMunaıGaz» UK AQ aqparatyna sáıkes, Atyraý jáne Shymkent munaı óńdeý zaýyttary da óz qyzmetin qalypty jalǵastyrýda.
Qolda bar qordy qosa alǵanda zaýyttardyń óndiris kólemi elimizdiń ishki naryqtaǵy aǵymdaǵy qajettiligin 3 aıdan astam merzimge qamtamasyz ete alady.
Pavlodar oblysy