Osyǵan deıin 19 maýsymda Reseıdiń Qazan qalasynda ótedi dep josparlanǵan qazaqstandyq kásipqoı boksshy Fırýza Sharıpova men reseılik Sofııa Ochıgavanyń jekpe-jegi 4 shildege shegerildi.
32 jastaǵy Reseı sportshysynyń 2012 jyly London Olımpıadasynyń kúmis júldegeri, álemniń eki jáne Eýropanyń úsh dúrkin chempıony atanǵanyna jankúıerler jaqsy biledi. Kásipqoılar arasynda óziniń tusaýkeser kezdesýin Sofıa Ochıgava 2016 jyldyń 21 mamyrynda Fırýza Sharıpova qarsy ótkizip, upaı sanymen jeńiske jetken edi. Arada úsh aı ótpeı jatyp, reseılik Elena Medvedenkodan basym tústi. Biraq sodan keıin tórt jylǵa jýyq ýaqyt úlken sporttan qol úzip ketti. Bıyl Ochıgava óz jattyǵýyn qaıta bastady.
25 jastaǵy Fırýza Sharıpova 2016 jyldan beri kásipqoı rıngte kúsh synasýda. Sol aralyqta 11 ret sharshy alańǵa shyǵyp, 10 ret jeńske jetti. Bes básekeni merziminen buryn aıaqtady.