Qazaqstan musylmandary dinı basqarmasy apparatsyz júre almaıtyn demikpesi bar adamdarǵa oraza ustamaýǵa keńes berdi.
Demikpesi bar adam jıi demigip, tunshyǵatyndyqtan, ıngolıator ne dári paıdalanýǵa májbúr. Sondyqtan da, «mundaı jaǵdaıdaǵy adam orazany qaıtedi?», ıaǵnı «ıngolıator arqyly aýyzǵa sepken dári orazany buza ma?» degen suraq týady.
Jalpy «aýyz, muryn, qulaq arqyly, ıaǵnı tabıǵı jolmen ishke barǵan nárseler orazany buzady. Ingolıator sekildi apparattarmen aýyzǵa shashqan dári ishke ketetindikten oraza buzylady. Sondaı-aq em úshin ıngolıatordan basqa tabletka ne sırop túrindegi dári qoldaný, tikeleı ishke baratyndyqtan orazany buzady. Mundaı apparatsyz júre almaıtyn naýqastarǵa oraza ustamaýyna bolady. Eger dárigerler naýqastyń bul aýrýdan aıyǵýy neǵaıbyl ekenine kóz jetkizse, onda ol orazanyń ár kúnine pidııa berip otyrady. Iаǵnı, joq-jitikti, miskinderdi tamaqtandyrady. Al, aýrýynan saýyǵatyn bolsa, saýyqqan kezinde qazasyn óteıdi.