Búgingi tańda aýyr dene jaraqatymen túsken naýqas úıine jiberildi. Onyń densaýlyǵyna tónip turǵan qaýip joq. Bul týraly Mańǵystaý oblystyq aýrýhanasynyń travmotologııa bólimshesiniń meńgerýshisi Eset Shahatbaev aıtyp berdi, dep habarlady Mańǵystaý oblysy densaýlyq saqtaý basqarmasynyń baspasóz qyzmeti.
Damır Jamalbekov Munaıly aýdanynda jeke úıdiń birinde sharbaq qondyryp jatqan kezde eki metr bıiktikten qulaǵan. Týysqandary shuǵyl túrde jambasynan jaraqat alǵan ony oblystyq aýrýhanananyń qabyldaý bólimine jetkizedi, sodan soń travmotologııa bólimshesine aýdarylǵan.Travmatolog mamandar rentgenge jáne kompıýterlik tomografııaǵa túsirgen soń, stasıonarlyq emdeýge alý jóninde sheshim qabyldaǵan. Jambas súıeginde kóptegen jabyq synyǵy klınıkalyq dıagnozy qoıyldy.
-Aýrýhanaǵa túsken kezinde naýqas sol jaq jambas býyny aýyryp, mazalaı beretini týraly aıtqan bolatyn. Barlyq analızderi alynǵan soń oblystyq aýrýhanada ota jasaý týraly sheshim qabyldandy. Árıne, tolyqtaı aıaǵyna turyp ketý úshin biraz ýaqyt kerek. Qalǵan em-dom sharalaryn turǵylyqty mekenjaıy boıynsha emhanada jalǵastyratyn bolady, deıdi Eset Shahatbaev.
Al Damır Jamalbekovtyń ózi bolsa aq halatty abzal jandarǵa alǵystan basqa aıtary joq. Kez-kelgen ýaqytta dárigerlik keńeske júgine alatynyna dán rıza.
-Qazir jaǵdaıym jaqsy. Tolyqtaı jazylýym úshin bir aıdan astam ýaqyt kerek, sebebi ońaltý qajet. Eshbir adamǵa aýyrsyn dep tilemeımin. Al dárigerler men medbıkelerge keletin bolsam, olar - kásibı mamandar. Oǵan kózim jetti. О́te uqypty. Sol sebepti olarǵa aıtar alǵysym sheksiz jáne dárigerlerge qoldary árdaıym jeńil bolsyn degen tilegim bar, dedi ol.