Búginnen bastap Qazaqstannyń keıbir qalalaryndaǵy Halyqqa qyzmet kórsetý ortalyqtary jumysyn jańasha bastady.
HQO-lardyń jańasha jumysy jóninde Shahmattan Qazaqstannyń 17 dúrkin, Álemniń 3 dúrkin, Azııanyń 7 dúrkin chempıony, Áıelder arasyndaǵy halyqaralyq sport sheberi, áıelder arasynda WIM halyqaralyq masteri Ásel Armanqyzy Serikbaı óz pikirimen bólisti:
«HQO-dan qyzmet alý úshin aldyn ala kezekti onlaın brondaıdy eken. Bul óte durys sheshim. Qyzmetti onlaın alý degen – óte qolaıly, utymdy ádis. Biz álemniń túkpir-túkpirinde júrip, ózimizge qajetti qyzmetterdi onlaın alyp júrmiz. Esh qıyndyq joq, yńǵaıly, ýaqyt ta ketpeıdi. Qazaqstan halqy da karantın kezinde qyzmetti úıde onlaın alyp úırenip qaldy. Sondyqtan memlekettik qyzmettiń 80 prosenti elektrondy túrde alýǵa múmkindik bolǵasyn, ony paıdalanǵan jón. egov.kz, Telegram-bot eGovKzBot2.0 jáne eGovMobile mobıldik qosymshalarynyń kez kelgenin paıdalanyp, HQO-ǵa barmasańyz da bolady. HQO-ǵa barý qajettiligi bola qalǵan jaǵdaıda, aldyn ala kezek brondaý ádisin mindetti túrde qoldanýǵa kóshkenin óte durys dep sanaımyn. Ýaqytyńdy únemdep, belgilegen ýaqytyńda baryp, kezeksiz qyzmet alasyń jáne qazirgideı indet júrgende, saqtyq úshin de kerek. Bronmen kezek belgilep, dál ýaqytynda barsań, halyq shoǵyrlanbaıdy, indet taralý múmkindigi azaıady. Sondyqtan, barlyq zamandastaryma memlekettik qyzmetterdi onlaın alýǵa, HQO-ǵa barý úshin kezekti de onlaın brondaýǵa keńes beremin», - deıdi Álem chempıony.