Ońtústik turǵyndarynyń basyna aıdyń aman, kúnniń jyly kezinde túsken taýqymet halyqty qatty alańdatyp qana qoımaı, elimizdiń ár túkpirinen kómek pen qoldaý kórsetilip jatyr. Mundaı kezde almatylyqtar da qol qýsyryp otyrmastan, búgin Túrkistan oblysy Maqtaral aýdanyna 70 myń tonnadan astam gýmanıtarlyq júk artqan kólikterin attandyrdy.
Túrkistan oblysy Maqtaral aýdanynda tótenshe jaǵdaıdyń jarııalanýyna baılanysty QR Prezıdenti Q.K.Toqaevtyń buıryǵymen sý tasqynynan zardap shekkenderge jan-jaqty kómek kórsetýde birqatar sharalar qabyldanyp jatqany belgili.
Almaty qalasynyń ákimi, «Nur Otan» partııasynyń qalalyq fılıalynyń tóraǵasy Baqytjan Saǵyntaevtyń buıryǵymen sońǵy kúnderi biraz gýmanıtarlyq kómek jınaldy. Bul bastamaǵa partııanyń depýtattyq fraksııa músheleri – depýtattar, qatardaǵy partııa músheleri men barlyq kómekteskisi keletin azamattar da ún qatty.
Búgin BAQ ókilderiniń qatysýymen «BizBirgemiz» aksııasynyń aıasynda Almaty qalasynyń ákimdigi jáne «Nur Otan» partııasynyń qalalyq fılıaly gýmanıtarlyq kómekti ońtústikke qaraı shyǵaryp saldy.