TAV Airports Holding túrik kompanııasy Almaty halyqaralyq áýejaıynyń 100 paıyz aksııasyn satyp aldy. Aksııanyń quny 415 mıllıon dollar.
TAV Airports holdınginiń konsorsıýmdaǵy úlesi 75 paıyzdan az bolmaǵan. Alda qujattardyń barlyǵy zańdyq turǵydan rettelgen soń barlyq aksııany tabys etý júzege aspaq.
TAV Airports Holding kompanııasynyń ıeliginde áýejaılar kóp. Almaty áýejaıy 15-shi bolmaq.
«Qazaqstan geografııalyq jaǵynan da, ekonomıkalyq jaǵynan da iri el. Almaty – ishki jalpy ónimniń 20 paıyzy tutynylatyn úlken qala. Odan basqa «zamanaýı Jibek jolynyń», ıaǵnı, Qytaı, Eýropa, Afrıkany baılanystyryp turǵan iri ortalyq. Onyń áleýeti zor. Biz ózimizdiń bilimimizge súıenip, is-áreketterdi júzege asyratyn bolamyz», - deıdi holdıngtiń prezıdenti jáne abs dırektory Sanı Shener.
Ashyq derekkózderge súıensek, Almaty áýejaıynyń 100 paıyz aksııasy Venus Airport Investment B.V. kompanııasyna tıesili bolǵan.