Elbasynyń ıgi bastamalarynyń biri – Astana qalasynda álemdik jáne dástúrli dinder kóshbasshylarynyń forýmyn shaqyrý. Osy usynys negizinde Qazaqstan halyqaralyq quqyq sýbektileriniń arasynda alǵashqylardyń biri bolyp ózine jaýapkershilik júktedi. Osylaısha, 2003 jyly Qazaqstan Álemdik jáne dástúrli dinder kóshbasshylarynyń alǵashqy sezin ótkizip, álem halyqtary arasynda rýhanı jaqyndasý úderisin bastap berdi. Osy Sezden soń Ispanııa men Túrkııanyń birlesken bastamasy boıynsha О́rkenıetter alıansy forýmy, Mekke halyqaralyq musylmandar konferensııasy, Madrıd halyqaralyq forýmy jáne basqa da dinaralyq, mádenıetaralyq jáne órkenıetaralyq kelissózder men jıyndar ótkizile bastady.
Elbasynyń ıgi bastamalarynyń biri – Astana qalasynda álemdik jáne dástúrli dinder kóshbasshylarynyń forýmyn shaqyrý. Osy usynys negizinde Qazaqstan halyqaralyq quqyq sýbektileriniń arasynda alǵashqylardyń biri bolyp ózine jaýapkershilik júktedi. Osylaısha, 2003 jyly Qazaqstan Álemdik jáne dástúrli dinder kóshbasshylarynyń alǵashqy sezin ótkizip, álem halyqtary arasynda rýhanı jaqyndasý úderisin bastap berdi. Osy Sezden soń Ispanııa men Túrkııanyń birlesken bastamasy boıynsha О́rkenıetter alıansy forýmy, Mekke halyqaralyq musylmandar konferensııasy, Madrıd halyqaralyq forýmy jáne basqa da dinaralyq, mádenıetaralyq jáne órkenıetaralyq kelissózder men jıyndar ótkizile bastady.
Beıbitshilik pen turaqtylyqty maqsat etken forýmdar ishinde Astana qalasynda úsh jyl saıyn ótetin Álemdik jáne dástúrli dinder kóshbasshylarynyń sezderi erekshe oryn alady. Bul forýmdar arqyly Qazaqstan jer-jahannyń túrli dinderi men konfessııalary ókilderiniń basyn qosyp, beıbitshilik pen ózara tózimdilik qaǵıdalaryn nasıhattaıtyndyǵyn olardyń óz aýyzdarymen aıtqyzdy.
Álemdik jáne dástúrli dinder kóshbasshylarynyń sezderin uıymdastyrý jáne ótkizý arqyly halyqtar men dinı kózqarastardy jaqyndastyrýǵa, sol boıynsha beıbitshilik qundylyqtaryn qalyptastyrýǵa jasaǵan qadamy úshin álem qaýymdastyǵy Qazaqstanǵa jáne onyń basshysy Nursultan Nazarbaevqa joǵary baǵa berdi. Bul – bizdiń memleket úshin abyroı ári bıik mártebe.
Endi qazirgi bizdiń XXI ǵasyrda álemdik jáne dástúrli dinder kóshbasshylarynyń sezderi álemge jáne Qazaqstanǵa ne berdi degenge kelsek, osy halyqaralyq deńgeıdegi is-shara dinaralyq jáne órkenıetaralyq kelissózderdi alǵa jyljytý boıynsha alǵashqy sammıtterdiń biri boldy. Sezd rýhanı qundylyqtardyń jahandyq ózara kirigý, adamdar sanasynda adamzattyq dástúrli dinderiniń qasıetti ıdealdaryn nasıhattaý men nyǵaıtý úderisiniń eleýli qozǵaltqyshtarynyń biregeıi bola bildi.
Sezd jumysynyń jemisti nátıjesi retinde Astanada Beıbitshilik jáne kelisim saraıynyń salynýy, Sezd Hatshylyǵy jumys tobynyń qyzmetin atqaratyn ári dinaralyq jáne mádenıetaralyq únqatysýdy damytýǵa baǵyttalǵan kóptegen halyqaralyq deńgeıdegi is-sharalardyń uıytqysy bolyp otyrǵan Mádenıetter men dinderdiń halyqaralyq ortalyǵynyń qurylýy – Qazaqstannyń órkenıetaralyq jáne dinaralyq únqatysý máselelerin ǵalamdyq deńgeıde talqylaýdy jalǵastyra berýge múddeli ekendigin kórsetedi. Munyń aıǵaǵy retinde Qazaqstan EQYU jáne IYU-ny «Batys-Shyǵys» únqatysý alańyn keńeıtýge jáne álem elderiniń memleket basshylary men BAQ-ty osy ortaq iske belsendi qoldaý kórsetýge úndep otyr.
Sezder sheńberinde túrli dinder men konfessııalar ókilderi arasynda baılanys nyǵaıdy, bul bizdiń ortaq úıimiz – Jer sharynda beıbit qatar ómir súrý men úılesimdiliktiń basty quraýshylary bolyp tabylatyn dinı qaýymdastyqtar arasynda senim men ózara qurmettiń artýyna kómektesti. Osylaısha Qazaqstan álemdik qoǵamdastyqta qurmet pen qoldaýǵa ıe boldy.
Berik QAÝYS,
Din isteri agenttigi Mádenıetter men
Dinderdiń halyqaralyq ortalyǵynyń
aǵa ǵylymı qyzmetkeri.