Semeıde koronavırýspen aýyratyn naýqastardy emdeýmen aınalysqan dárigerlerdi QR Densaýlyq saqtaý mınıstiri Eljan Birtanov marapattady.
Eldegi medısına qyzmetkerleri koronavırýstyq ınfeksııamen kúresýdi jalǵastyrýda. Dárigerlerdiń úılesimdi jumysynyń arqasynda Qazaqstan tótenshe jaǵdaıdan shyqty.⠀Búgin ákimdikte koronavırýspen aýyratyn naýqastardy anyqtaýǵa jáne emdeýge belsendi qatysqan qalanyń medısına qyzmetkerlerin marapattaý rásimi ótti. Qazaqstan Respýblıkasy Densaýlyq saqtaý mınıstriniń buıryǵymen dárigerler tósbelgilermen, dıplomdarmen jáne alǵys hattarmen marapattaldy.
⠀Koronavırýspen alǵashqylardyń biri bolyp kúreske shyqqan Iаdrolyq medısına jáne onkologııa ortalyǵynyń anestezıolog-reanımatolog dárigeri Dýlat Qarabaev boldy. Oǵan Qaraǵaıly jańa yqsham aýdanynda páterdiń kilti saltanatty túrde tabystaldy.⠀Pandemııa jaǵdaıynda belsendi jumys istegenderi úshin Semeıge jumys saparymen kelgen densaýlyq saqtaý mınıstri Eljan Birtanov medısına qyzmetkerlerine alǵys aıtty.⠀«Sizderge jumysyńyz úshin rahmet aıtqym keledi. Bizdiń elimizdiń bolashaǵy sizdiń qoldaryńyzda. Elde osyndaı kútpegen jaǵdaı boldy, biraq oǵan qaramastan, dárigerler jumysqa baryp, pasıenttermen kezdesip, olarǵa medısınalyq kómek kórsetti. Pandemııa kezinde biz densaýlyq saqtaý júıesindegi kemshilikterimizdi kórdik jáne qazir densaýlyq saqtaý júıesin nyǵaıtý baǵytynda jumys isteýdemiz. Medısına qyzmetkerleriniń áleýmettik mártebesi máseleleri túbegeıli qaıta qaralatyn bolady. Dárigerlerge qajetti qoldaý kórsetiledi» dedi Eljan Birtanov.⠀Densaýlyq saqtaý mınıstri sondaı-aq, búgingi tańda bizdiń aımaqta aýrýǵa shaldyǵý kórsetkishi eń tómen bolyp sanalatynyń aıtty.⠀«Búgingi tańda oblysymyzda eń tómen aýrý kórsetkishi. Sonymen qatar, óńirimizde COVID-19 indetin juqtyrǵandar sany da az. Biz ınfeksııamen kúresýdi úırendik dep oılaımyz, ol endi biz úshin burynǵydaı qaýipti emes. Sondyqtan biz budan ári de osy baǵytta jumys jasaımyz dep oılaımyn» dep túıindedi Eljan Birtanov.