Búgin aqparattyq-kommýnıkasııalyq ortalyǵynda Qazaqstan musylmandary dinı basqarmasynyń Shymkent qalasy boıynsha bas ımamy Baqdáýlet Abdrahmanov jáne bas ımamnyń orynbasary Muhamedjan Estemirovtyń qatysýymen onlaın-brıfıng ótti.
Brıfıng barysynda tótenshe jaǵdaı merzimi aıaqtalǵannan keıin qala meshitterinde atqarylatyn sharalar men Qasıetti Qadir keshi men Aıt merekesin ótkizý týraly, sondaı-aq qulshylyq úıine kelýshi azamattarǵa qoıylatyn talaptar jaıynda jan-jaqty aqparat berildi.
- Elimizde tótenshe jaǵdaı merzimi aıaqtalyp, halqymyz qalypty ómir tirshiligine aýysa bastady. Osy oraıda, Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń úndeýine sáıkes, elimizde 18 mamyrdan bastap barlyq meshitter arnaıy sanıtarlyq talaptardy saqtaı otyryp ashylady. Osy ýaqyttan bastap musylman qaýymynyń jeke qulshylyq jasaýyna, Quran oqytyp, neke qıdyrýyna bolady. Karantın talaptaryn saqtaý úshin jamaǵatpen oqylatyn bes ýaqyt, juma, taraýyq namazdaryna qatysty qoıǵan ýaqytsha shekteýdi óz kúshinde qaldyryp otyrmyz. Bul – siz ben bizdiń, óz otbasymyz ben eń jaqyn týystarymyzdyń densaýlyǵy men ómiriniń ıgiligi úshin qabyldanǵan shara. Tek jekelegen túrde namaz oqýǵa ruqsat etiledi. Meshitte bolý ýaqyt uzaqtyǵy 15 mınýt jáne namaz oqýshylardyń araqashyqtyǵy 1,5 metr bolýy kerek, - dedi Shymkent qalasynyń bas ımamy Baqdáýlet Abdrahmanov.
Sondaı-aq bas ımam qasıetti Qadir keshin úıde ótkizýge shaqyrdy.
- Bıylǵy Ramazannyń qasıetti Qadir keshi mamyr aıynyń 19-ynan 20-syna qaraǵan túnge sáıkes kelip otyr. 19 mamyrda meshit tańǵy saǵat 7:00 men keshki 20:00 aralyǵynda jumys isteıdi. Osy rette barshańyzdy Qadir keshin óz úılerińizde ótkizýge shaqyramyn. Tártipke baǵynýdy suraımyz, - dep atap ótti Baqdáýlet Abdrahmanov. Aıta ketsek, búgingi tańda Shymkent qalasynda 106 meshit bar.
Shymkent