ERG quramyndaǵy «Qazhrom» transulttyq kompanııasy» AQ óńirlerdegi kenshi, metallýrgterin, jumysshy, qyzmetkerlerin medısınalyq betperdelermen qamtamasyz etýde.
Kompanııa Dóń taý-ken baıytý kombınaty (Aqtóbe oblysy, Hromtaý q.), «Qazmarganes» ken basqarmasy (Qaraǵandy oblysy), Aqsý ferroqorytpa zaýyty (Pavlodar oblysy) jáne Aqtóbe ferroqorytpa zaýyty (Aqtóbe oblysy) sııaqty qurylymdyq bólimshelerdi biriktiredi.
Eýrazııalyq toptyń quramyndaǵy «Qazhrom» TUK» AQ – taý-ken metallýrgııa salasy boıynsha álemdik kóshbasshylardyń biri. Kompanııa jylyna 6 mıllıon tonna hrom, 480 myń tonna marganes, 1,8 mıllıon tonna ferroqorytpa óndiredi.
Qazir «Qazhrom» TUK» AQ COVID-19 taralýyn boldyrmaý jáne aldyn alý baǵytynda qatań sharalardy saqtaı otyryp, tótenshe jaǵdaı kezinde jumys jasaýda.
Kompanııa prezıdenti Arman Esenjolovtyń tóraǵalyǵymen tótenshe jaǵdaıdaǵy is-sharalarǵa arnalǵan shtab qurylǵan.
Kompanııa toptyń barlyq kásiporyndary úshin jeke qorǵanysh quraldary jáne qajetti medısınalyq jabdyqtardy satyp alýǵa 900 mıllıon teńgeden astam qarjy bólgen.
Sonymen qatar «Qazhrom» AQ kásiporyndarda zararsyzdandyrýdyń kúsheıtilgen túrine kóshti. Fılıaldar aı saıyn dezınfeksııalyq quraldarmen qamtamasyz etiledi.
Al Aqtóbe qalasyndaǵy «PO GLOBAL-Spesodejda» JShS «Qazhrom» AQ-tan 200 myń betperde tigý úshin kólemdi tapsyrys aldy. Seriktestikke betperde daıyndaý úshin lısenzııa berilgen. Betperde tigý úshin bóz qoldanylmaq. О́ndirýshi óz ónimine bir jylǵa kepildik beredi.
Eger «Qazhrom» AQ-tyń óńirlerdegi kásiporyndarynda 19 myń adam eńbek etetinin, árbir jumysshy eki saǵat saıyn bir rettik medısınalyq betperdeni aýystyrýy kerek ekenin eskersek, suranys ta az emes.
Seriktestik buǵan deıin de birneshe jyldan beri ERG kásiporyndaryna arnaıy kıim tigýmen aınalysady. Sondyqtan fabrıka «Qazhrom» AQ-tyń suranysy boıynsha ónim túrlerin ulǵaıtty.
– Ár jumysshyǵa eki betperdeden, ıaǵnı bir kún ishinde eki márte aýystyrý úshin 200 myńnan astam betperde qajet. Qaýipsiz jáne paıdalanýǵa yńǵaıly bolýy úshin arnaıy nusqaýlyqtar da jasaldy, – deıdi«Qazhrom» TUK» AQ satyp alý bóliminiń bastyǵy Igor Fılıppenko.
– ERG kompanııasy, sonyń ishinde «Qazhrom» AQ eńbek adamdary úshin qorǵanýǵa qajetti barlyq jabdyqtardy jedel satyp aldy. Kenshiler men metallýrgterdiń el aldynda jaýapkershilikteri zor. Dál osy qasıet bizge koronavırýs indetin jeńýge kómektesedi dep senemin, – deıdi «Qazhrom»TUK» AQ prezıdenti Arman Esenjolov.
Búginde «Qazhrom» AQ-tyń barlyq kásiporny turaqty jumys yrǵaǵynda.
Pavlodar oblysy