Kaspıı teńiziniń Atyraý oblysy aýmaǵyndaǵy Qashaǵan ken ornynda júıeni retke keltirý jumystaryna baılanysty 3-4 kúnge munaı óndirisi toqtatyldy. Bul týraly búgin jýrnalısterge bergen suhbatynda Munaı jáne gaz mınıstri Uzaqbaı Qarabalın málimdedi.
«Shyn máninde onda apat oryn almaǵan, jelige tekseris júrgizilýde. Barlyq ýchaskelerde jumys júrgizilýde. Munda «Bolashaq» zaýytyna qaraı baǵyttalǵan gaz qubyry sóz bolyp otyr. Ol jerde az mólsherde gaz shyǵyp jatqany baıqalǵan. Gaz qubyrynyń qysymy azaıtylyp otyr. Júıe jóndeýden ótip jatqan joq, retke keltirilip jatyr. Qazirgi ýaqytta naqty sebepteri anyqtalýda. Tıisti sharalar qabyldanatyn bolady. Bul jumys 3-4 kúnge sozylady dep otyrmyz. Iаǵnı, 25 qyrkúıekten bastap 3-4 kún ishinde munaı óndirisi toqtatylady»,- dedi Qarabalın.
Onyń aıtýynsha, bul shara komersııalyq óndiriske áser etpeıdi, sebebi oǵan qajetti qýattylyq bar.
«Qazir júıeni tolyǵymen retke keltiretin bolsaq, ken orny kommersııalyq óndiris kólemin bere alady. Kózdelgen maqsattarǵa qol jetkize almaımyz dep aıtýǵa sebep joq», - dep ıyn jınaqtady ol.
Sáken Maılybaı.