Birikken Ulttar Uıymynyń ınspektorlary 25 qyrkúıekte taǵy da Sırııaǵa keldi. Bul týraly RIA «Novostı» agenttigi habarlady.
Birikken Ulttar Uıymynyń Bas hatshysy Pan Gı Mýnnyń Sırııa úkimeti 21 tamyzda jappaı qyryp joıatyn hımııalyq qarý qoldanǵanyn ne qoldanbaǵanyn odan ary teksere túsý úshin Damaskige ekinshi ret sarapshylar jiberilgenin málimdedi.
Shvesııalyq professor Oke Selstromnyń basqarýyndaǵy ınspektorlar 22-25 tamyz aralyǵynda Sırııada hımııalyq qarýǵa qatysty tekserý jumystaryn júrgizgen áriptesteriniń barmaǵan jerlerin zerttemek.
Reseı tarapy buǵan deıin Sırııada bolǵan ekspettertiń zertteý jumystarynyń jetkiliksiz bolǵanyn alǵa tartýda. Sol sebepti Birikken Ulttar Uıymy óz ınspektorlaryn Damaskige taǵy da jiberip otyr.
Joldybaı Bazar.