2020 jylǵy 13 mamyrda UQK Nur-Sultan qalasy boıynsha departamenti jasyryn tergeý is-qımyldaryn júrgizý kezinde ýaqytsha turǵylyqty jerinde sıntetıkalyq esirtki jasaýdy jáne olardy «qoıylma» dep atalatyn jolmen satýdy uıymdastyrǵan «S» degen azamatyn ustady. Bul týraly UQK baspasóz qyzmeti habarlady.
Jasyryn esirtki zerthanasynda tintý nátıjesinde shamamen 2 kg «A-PVP» sıntetıkalyq esirtkisi («qara naryqtaǵy» quny shamamen 34 mln teńgeni quraıdy), oraý materıaldary, shyny qutylar, magnıtti aralastyrǵysh, sorǵylar, tútiksheler, shyny sılındrler, respıratorlyq betperdeler, elektrondyq tarazy, 2 kg reagent, 40 lıtr ártúrli prekýrsor jáne zerthanalyq jaǵdaıda psıhotroptyq zattar jasaý kezinde qoldanylatyn ózge de aılabuıymdar alyndy.
«S» degen azamat QR QIK 128-babynyń tártibinde Nur-Sultan q. PD ÝUI-ǵa qamaldy. Sotqa deıingi tergeý jalǵasýda.