Almaty polısııasy Armenııadan ákelingen kólik quraldaryn tirkeýge arnalǵan suraqtar úshin Call-ortalyq qurdy, – dep habarlaıdy Polisia.kz.
Almaty qalasyndaǵy Polısııa departamentinde tirkelý sharttary týraly barlyq qajetti aqparatty alý úshin Call-ortalyq jumys isteıdi: 8-747-080-01-56; 298-50-71. «Shuǵyl jeli» jumys kestesi: 9.00-den 19.00-ge deıin.
– Úkimet qaýlysy boıynsha qazaqstandyqtar Armenııadan 2020 jyldyń 1 aqpanyna deıin ákelingen avtokólikterdi tirkeı alady. Ekinshiden, osy jyldyń 1 maýsymy men 1 qyrkúıegi aralyǵynda tirkeý júrgizý qajet. Úshinshiden, tek sol jaqtaǵy basqarý elementteri bar avtokólikter tirkeýge jatady. Tórtinshiden, úsh tólemmen shekteý týraly sheshim qabyldandy: tirkeý jarnasy – 695 teńge, tirkeý kýáligi úshin tólem – 3 myń 473 teńge jáne memlekettik tirkeý nómiri úshin – 7 myń 778 teńge. Tólemderdiń jalpy somasy 11 myń 946 teńgeni quraıdy, – dep túsindirdi Almaty qalalyq PD basshysynyń birinshi orynbasary Nurlan Almasbekov.
Sonymen qatar, spıker kólik quraldaryn tirkeý úshin kelesi qujattardy usyný qajettigin aıtyp ótti:
1) jeke basyn kýálandyratyn qujat;
2) memlekettik tirkeý alymynyń tólengeni týraly qujattar QR Salyq kodeksiniń 615-babyna sáıkes aılyq eseptik kórsetkishtiń jáne memlekettik bajdyń 0,25% mólsherinde;
3) Armenııa Respýblıkasynyń ýákiletti organy shyǵarǵan kólik quraldaryna arnalǵan SRTS jáne MTNB;
4) avtokólik quraldaryn tirkeýge usynylǵan, memlekettik nemese orys tilderinen basqa tilde jasalǵan qujattar memlekettik nemese orys tilderine aýdarylǵan jáne aýdarmanyń dáldigi týraly notarıýstyń nemese osyndaı áreketterdi jasaýǵa ýákilettik berilgen basqa adamnyń qoltańbasy bolýy kerek;
5) arnaıy jazbalarǵa kelesi jazbalar engiziledi: «TSRA» jáne «basqa tulǵa úshin tirkeýge jatpaıdy»;
6) Qazaqstan Respýblıkasynda shyǵarylǵan kólik quralynda SRTS nemese MTNB joǵalǵan jaǵdaıda, olardyń joǵalý jaǵdaılary jazbasha túrde kórsetiledi;
7) MTNB joǵalǵan jaǵdaıda, kóshirmesin berý biryńǵaı aqparattyq júıege ózgerister engizbesten olardy jasaý arqyly júzege asyrylady.
«Qazaqstanǵa 2020 jyldyń 1 aqpanynan keıin ákelingen kólik quraldaryn tirkeýge ruqsat etilmeıdi. Sonymen qatar, Armenııa Respýblıkasynyń ýákiletti organy bergen tirkeý qujattarynda menshik ıesi retinde kórsetilmegen adamdarǵa tirkeý júrgizilmeıdi», – dedi N.Almasbekov.