Baıandy bolashaq qujaty

«Nur Otan» HDP Aqtóbe oblystyq fılıalynyń kezekten tys HVI konferensııasy ótkizildi. Oǵan Parlament depýtattary, barlyq bastaýysh uıymdardan saılanǵan 177 delegattyń 162-si, partııanyń oblystyq fılıaly saıası keńesiniń músheleri, qalalyq jáne aýdandyq fılıaldary tóraǵalarynyń birinshi orynbasarlary, úkimettik emes uıymdar ókilderi qatysty.

«Nur Otan» HDP Aqtóbe oblystyq fılıalynyń kezekten tys HVI konferensııasy ótkizildi. Oǵan Parlament depýtattary, barlyq bastaýysh uıymdardan saılanǵan 177 delegattyń 162-si, partııanyń oblystyq fılıaly saıası keńesiniń músheleri, qalalyq jáne aýdandyq fılıaldary tóraǵalarynyń birinshi orynbasarlary, úkimettik emes uıymdar ókilderi qatysty.

Konferensııada «Nur Otan» HDP oblystyq fılıaly tóraǵa­synyń birinshi orynbasary Asqar Ǵa­bıdýllın «Qazaqstan-2050» Strategııasyn júzege asyrý aıasynda «Nur Otan» HDP jańa mindetteri jáne partııanyń «Nur Otan». Nurly bolashaq jolynda!» saıası jobasy týraly» degen taqyrypta baıandama jasady. Ol Saıası doktrınanyń basym baǵyttaryn tarata áńgimeleı kelip, partııanyń uzaq merzimdi baǵdarlamasyn júzege asyrýǵa baılanysty baılamdy oılaryn ortaǵa saldy.

– Qazaqstan Respýblıkasynyń Prezıdenti Nursultan Nazarbaev aıqyndaǵan «Qazaqstan-2050» Strategııasynyń jańa saıa­sı baǵytyna baılanys­ty barlyq jos­parlarymyz ben mindetterimizdi eldi 2050 jylǵa deıin damytýdyń strategııasy basty qaǵıdalarymen sáıkestendirýimiz qajet. Bul – basty damý jolymyz jáne bo­la­shaqtaǵy jetistikterimizdiń kepili. Damýdyń uzaq merzim­di baǵyt-baǵdary men jalpy­ult­tyq jetistikterdiń strategııa­lyq kórinisin ázirleýge degen obektıvti tarıhı suranys­ty «Nur Otan» partııasy ǵana sabaqtastyrýda. El azamatta­ry­nyń ómirin sapaly jaqsartýǵa umtylys, ony qoǵamnyń bir­les­ken kúsh-jigerimen jáne áleý­mettik keleńsizdiktersiz qam­tamasyz etýge daıyn bolý – partııa Doktrınasynyń arqaýy men ózegi bolyp tabylady, – dedi Asqar Ǵa­bıdýllın.

Konferensııada sóz alǵan Par­lament Senatynyń depýta­ty, «Nur Otan» HDP Saıası ke­ńe­siniń múshesi Sergeı Gromov bar­lyq basymdyǵymyzdyń ózegi memleketimizdiń táýelsizdigi, elimizdiń egemendigi degendi al­ǵa tarta otyryp, partııanyń Saıası doktrınasynyń osy qun­dy­lyqtarymyzdy nyǵaıtýǵa ba­ǵyttalǵanyn atap ótti. Al Par­lament Májilisiniń depýtaty, «Nur Otan» HDP fraksııasy­ jetekshisiniń orynbasary Ergen Doshaev Saıası doktrınany da­mý­dyń jańa kókjıekterin ashqan, partııanyń ıdeıalyq-dúnıeta­nym­dyq jáne qundylyqty baǵ­darlaryn anyqtaǵan baıandy qu­jat retinde baǵalady.

Basqa sóılegender de Saıası doktrınadan týyndaıtyn mindetterdi júzege asyrý jaıyna jan-jaqty toqtaldy.

Konferensııada alda bolatyn «Nur Otan» HDP-nyń kezekten tys HV sezine delegat bolyp 58 aqtóbelik saılandy.

Satybaldy SÁÝIRBAI,

«Egemen Qazaqstan».

Aqtóbe oblysy.