Mońǵolııalyq aqparat kózi «Montsame.mn» agenttigi taratqan málimetke júginsek, keshe atalmysh eldiń úkimet músheleri kezekti jıyn ashyp, koronavırýs indetimen kúresip jatqan soltústik kórshisi Reseıge bir mıllıon AQSh dollaryn quraıtyn et jáne et ónimderin tegin kómek retinde berý jaıly sheshim qabyldaǵan eken.
«Kórshiń ash bolsa, seniń toqtyǵyńnan ne paıda» degendeı qazirgi tańda Reseı Federasııasynda indet juqtyrǵandar sany 300 myńnan asyp, 3 myń adam kóz jumǵany aıtylýda.
Budan buryn da Mońǵolııa prezıdenti H.Battýlǵa ońtústik kórshisi Qytaı eline kómek retinde tirideı 30 myń bas qoı bergen bolatyn.
«Reseı men Mońǵolııa qudaı qosqan ejelden kórshi el. Dostastyq tarıhy da tereńde jatyr. Sondyqtan indet oshaǵyna aınalǵan kórshimizge kómek berý – bizdiń paryz. Osylaı jaqsylyq taratsaq derttiń beti tez qaıtýy múmkin» deıdi Mońǵolııa Syrtqy ister mınıstri D.Sogtbaatar myrza.