SQO ortalyǵy Petropavl qalasynda jergilikti polısııa men Ulttyq Ulannyń jaýyngerleri kún saıyn eki aýysymmen qaladaǵy qoǵamdyq tártiptiń saqtalýyn qadaǵalaýǵa kóshege shyǵady. Jalpy sany 250 adamdy quraıtyn polıseıler 105 baǵytta, sonyń ishinde 34 kúndiz jáne 71 túnde kúzet atqarady. Osy joldardy jazyp otyryp demokratııanyń ıgilikterine rıza bolasyń. Buryn mundaı sandardy mılısııa qyzmeti «qupııa» ustap, jarııalaı bermeıtin...
Jýyrda Petropavldaǵy Táýelsizdik stellasynyń túbinde garnızondyq daıyndyq tekserildi. Dástúrge saı ony SQO Polısııa departamentiniń bastyǵy, polkovnık Marat Tólebaevtyń ózi júrgizip, qyzmetkerlerdiń daıyndyǵyn tekserdi.
Ol, ásirese Petropavl polısııa basqarmasyna qaraıtyn patrýldik polısııa batalonynyń qamtamasyz etilýin muqııat qarady. Batalonnyń tehnıkalyq turǵydan qamtamasyz etilýi qazir joǵary talaptarǵa saı. Patrýldik avtomobılderdiń bárinde planshet pen prınterler bar.
Kúzettegi polısııa eshqaıda barmaı, buzýshyny eshqaıda qýmaı, bir jerde otyryp-aq aıyppuldyń túbirtegin jazyp bere alady. Osy batalonnyń 10 avtomobıli qazir turǵyndar sýǵa túsetin qoımalardyń mańynda bolady.
Olardyń bári sýǵa batýshyny qutqaratyn, batyp qalǵan mashınalardy tartatyn qural-saımandarmen jabdyqtalǵan. «Qajetti tehnıkalyq bazanyń bolǵandyǵy adamdarǵa der kezinde kómek qolyn sozýǵa múmkindik beredi.
Qazir qala turǵyndary shyjyǵan ystyqtyń sebebinen sýǵa túsýge jantalasyp jatyr. Bizdiń mindetimiz –qandaı qıynshylyq jaǵdaıǵa tússe de adamdarǵa jedel kómek berý», - dedi M.Tólebaev óziniń sózinde.
Garnızondyq daıyndyq barysynda Marat Tólebaev kezekti merzimi kelgen jáne mindetin adal atqaryp júrgen 11 qyzmetkerge jańa shenniń pogondaryn tabys etti. Sóıtip, SQO polısııasy 3 kapıtan, 4 aǵa leıtenant jáne 4 serjantpen tolyqty. Sondaı-aq jekemenshik kúzet agenttikteriniń 5 qyzmetkerine Alǵys hattar tapsyryldy.
Petropavl