Halyqaralyq balalardy qorǵaý kúni qarsańynda Qarýly kúshter áskerı qyzmetshileri áleýmettik mekemelerdiń tárbıelenýshilerin quttyqtady. Bul týraly Qorǵanys mınıstrliginiń baspasóz qyzmeti habarlady.
Sanıtarlyq-epıdemıologııalyq talaptardy saqtaı otyra, Aıagóz garnızonynyń áskerı qyzmetshileri Aıagózdegi arnaıy áleýmettik kómek kórsetý balalar ortalyǵynyń tárbıelenýshileri úshin quttyqtaý, shoý-baǵdarlama men ertegi keıipkeleriniń qatysýymen oıyn-saýyq oıyndarymen mereke uıymdastyrdy.
Áskerıler balalar úshin sporttyq jabdyqtar, dıdaktıkalyq oıyndar jáne táttilerdi de daıyndaǵan.
Bul mekemede 100 tárbıelenýshi bar. Ortalyq tárbıelenýshileriniń kóbisi bala kezinen múgedek, sondaı-aq ata-anasynyń qamqorlyǵynsyz qalǵandar da bar.
Aıagóz garnızonynyń áskerı qyzmetshileri ortalyqqa únemi kelip turady, barlyq jaǵynan kómek kórsetip turady. Atap aıtqanda, garnızon basshylyǵy karantın mezgilinde balalarymen birge karantınde bolatyn qyzmetkerlerdi 45 tósek orynmen qamtamasyz etti. Jyl mezgiline qaraı áskerı qyzmetshiler mekemeniń aýmaǵyn tazartýǵa jáne abattandyrýǵa, oıyn alańyn jańartýǵa kómek kórsetip turady. Ár mereke saıyn balalarǵa ekskýrsııalar men konsertter, sonymen qatar sporttyq is-sharalar uıymdastyrylady. Bunyń bári jaqsy dástúrge aınalyp, jyldan jylǵa jalǵasýda.