Koronavırýs pandemııasyna baılanysty ýaqytsha toqtatylǵan sporttyq jarystar qaıta ótkizile bastady. Solardyń ishinde tennıs dodalary da bar. Úzilisten keıingi alǵashqy týrnır AQSh-ta uıymdastyryldy.
AQSh-tyń birneshe qalasynda ótkizilip jatqan Matchplay 120 jarysynda qazaqstandyq tennısshi Dmıtrıı Popko da baq synady. Týrnırdiń irikteý kezeńinde otandasymyz tórt oıyn ótkizip, sońǵysynda jeńilip qaldy. Alǵash AQSh ókili Makkenzı Makdonaldtan eki sette basym tússe, ekinshi kezdesýde Domınıka tennısshisi Roberto Sıdti 6:3, 3:6, 6:1 esebimen qapy qaldyrdy. Úshinshi básekede taǵy bir AQSh sportshysy Born Fratandjelodan eki sette aılasyn asyrdy. Esep – 6:1, 6:3. Al týrnırdegi tórtinshi kezdesýinde Popko dál osy amerıkalyq Born Fratandjelodan 6:3, 1:6, 1:6 esebimen jeńilip, jarysty aıaqtaýǵa májbúr boldy. Jarys aınalmaly júıe boıynsha ótkizilip jatyr.
Aıta keteıik, indetke baılanysty týrnır barlyq saqtyq sharasyn qatań saqtap, kórermendersiz ótýde. Dodaǵa birqatar tóreshi men bolboı qatystyrylmaǵan.