О́zge jaqty qaıdam, bul óńirde ata-analardan aqsha jınaý áli de tıylǵan joq. Nege? Jınalǵan aqsha qaıda jumsalady? «Atyraý – adaldyq alańy» jobalyq keńsesiniń bastamasymen ótken onlaın-konferensııada mektep dırektorlary men ata-analar komıtetiniń 92 múshesi bul máseleni keńinen talqyǵa saldy.
– О́tken jyly 1 myńǵa jýyq ata-ana men muǵalimder arasynda anonımdi saýalnama júrgizdik. Sonyń nátıjesinde mektepterde aqshanyń 65%-y ata-analardyń bastamasymen jınalatynyn bildik. Al, 35%-y muǵalimderdiń usynysymen jınalady eken. Jınalǵan aqshanyń 30%-y muǵalimderge syılyq alýǵa, 38%-y mektepterge qajetti materıalǵa, 32%-y oqýshylarǵa arnalǵan túrli merekelik sharalardy ótkizýge jumsalyp kelgen. Osyǵan oraı sybaılas jemqorlyqqa qarsy qyzmet 4 ret túsindirý jumysyn júrgizdi. Sonyń nátıjesinde ata-analarǵa aqshasyn qaıtaryp berdik. Tipti bıyl oqýshylar qashyqtan oqyp jatsa da, ata-analardan aqsha jınaýǵa baılanysty habarlar tústi, -dedi «Atyraý –adaldyq alańy» jobalyq keńsesiniń jetekshisi Álfııa Ádıeva.
Onyń málim etýinshe, byltyr ata-analar 32 ret shaǵym aıtypty. Al, bıyl ata-analar sondaı 14 habarlamamen shektelip otyr.
Al, oblystyq bilim berý basqarmasy basshysynyń mindetin atqarýshy Aqkenje Isanbergenovanyń aıtýynsha, ata-analardyń arasynda aqsha jınaýǵa qatysty áńgime de, narazylyq ta baıqalady. Biraq, sońǵy úsh jylda ata-analar bilim berý basqarmasyna birde-bir ret shaǵym aıtpapty.
– Mektep túlekteriniń keshin ótkizýge tıym salyndy. Soǵan oraı muǵalimder arnaıy buıryqpen tanysqany jáne ony oryndaýǵa mindetti ekeni týraly qol qoıǵan, -dedi Aqkenje Isanbergenova.