Densaýlyq saqtaý mınıstri Eljan Birtanov Ortalyq kommýnıkasııalar qyzmetinde ótken onlaın brıfıngte koronavırýstyń ósim deńgeıi joǵary óńirlerdi atady.
«Aptanyń sońǵy derekterine súıensek, ósim deńgeıi 6 óńirde joǵary. Jaqynda ǵana vedomstvoaralyq komıssııanyń otyrysy ótti. Keıbir óńirler boıynsha biz aqparat berip jatyrmyz. Mysaly Mańǵystaý, Batys Qazaqstan, Qyzylorda, Shyǵys Qazaqstan oblystarynda joǵary ósim bolǵan. Biraq qazir jaǵdaı turaqtalyp kele jatyr. Sol sııaqty Nur-Sultan qalasynda da biraz ósim boldy. Ol ósim qazir 2 paıyzǵa tómendedi», dedi Eljan Birtanov.
Budan soń, mınıstr ár óńirde epıdemıologııalyq jaǵdaıǵa baılanysty erekshe shekteý sharalary engiziletinin aıtty.
«О́ńirlerde shekteý sharalaryn engizýge bas sanıtarlyq dárigerlerdiń quqyqtary bar. Arnaıy shekteýler ósim deńgeıi joǵary aýdandarǵa engiziledi. Mysaly Atyraý oblysynyń bir ǵana Teńiz kenishinde ósim joǵary bolyp, basqa eldi mekenderde jaǵdaı durys bolǵannan keıin tek qana sol aýdanǵa shekteý sharalary engiziledi», dedi ol.