Bul týraly «Qazmunaıgaz» ulttyq kompanııasy» AQ-nyń basqarma tóraǵasy Alık Aıdarbaevtyń baıandamasynda aıtty. Onyń sózine súıensek, kompanııa daǵdarysqa baılanysty birqatar mańyzdy jedel sharalar qabyldap, jumysyn jańa jaǵdaıǵa beıimdeldi. «Birinshiden, daǵdarysqa qarsy strategııa ázirlendi. Olar bizdiń qyzmetimizdiń basty úsh baǵytyn qamtıdy. Birinshi, qarjy qyzmeti: «QazMunaıGaz»-dyń arjylyq aǵynyn arttyrý men qaryzdyq mindettemelerdi basqarý. Ekinshi, operasııalyq qyzmet: Qyzmetti shyǵynsyz kórsetý úshin óndiristiń tıimdi deńgeıin qalyptastyrý. Úshinshi, daǵdarystan keıingi damý: Daǵdarystan keıin kezeńde aktıv portfelderi qurylymyn ózgertý men basqarýdyń tıimdiligin arttyrý.
Bul baǵyttaǵy alǵashqy qadam ortalyq apparattyń sany men qurylymyn ózgertý, kompanııa basshylarynyń jalaqysyn qysqartý boıynsha júrgizildi. Sondaı-aq shyǵyndarymyzdy ońtaılandyrýǵa kiristik. Sonyń arqasynda 2020 jyly jalpy shyǵyndardy 146 mıllıard teńgege deıin azaıtýǵa múmkindik týdy. Al aldaǵy 5 jyl kóleminde ony 730 mıllıard teńgege tómendetý kózdelgen. Bul baǵyttaǵy jumys jalǵasa bermek, áli de ońtaılandyratyn salalar bar dep esepteımiz. Alaıda ońtaılandyrýdaǵy basty maqsatymyz – jumys oryndaryn múmkindiginshe kóp qysqartý. Ekinshiden, daǵdarystan keıingi kezeńge daıyndyq jumystary bastaldy. Kompanııanyń qarjylyq múmkindigin saqtap qalý maqsatynda jekeshelendirý, dıvestısııa jáne basqa da sharalar josparyn qaıta qarastyryp jatyrmyz», dedi baıandamashy.