Nursultan Nazarbaevtyń tóraǵalyǵymen «Samuryq-Qazyna» ulttyq ál-aýqat qoryn basqarý jónindegi keńestiń otyrysynda sóz alǵan «Qazaqstan temir joly» ulttyq kompanııasy» AQ-nyń basqarma tóraǵasy Saýat Myńbaev bir jyldaǵy jumys qorytyndysyna toqtaldy.
«Byltyr júk tasymaly 2018 jylǵa qaraǵanda 1,8 paıyzǵa, tranzıttik tasymal 3,7 paıyzǵa, konteınerdegi tranzıt 23,7 paıyzǵa, operasııalyq kirisi 33 paıyzǵa artty. Bul naqty atqarylǵan jumystyń nátıjesi. Operasııalyq qyzmet boıynsha keri nátıje bar. Ol kýrstyq aıyrmashylyqqa baılanysty. Kredıttik qaryzdy 17 paıyzǵa azaıtýǵa múmkindik týdy. Osylaısha, qazirgi mindetteme boıynsha «Qazaqstan temir joly» ózine qoıylǵan mindetti 100 paıyz oryndap otyr», dedi S.Myńbaev.