Mańǵystaý oblysy tabıǵı resýrstar jáne tabıǵat paıdalanýdy retteý basqarmasy dástúrli túrde ótkizetin baıqaý bıyl da jalǵasyn tapty. Al jeńimpazdardy quttyqtaý «Zoom» baǵdarlamasy arqyly onlaın júrgizildi, dep habarlaıdy Mańǵystaý oblysy tabıǵı resýrstar jáne tabıǵat paıdalanýdy retteý basqarmasynyń baspasóz qyzmeti.
Baıqaýdyń maqsaty bilim berý uıymdarynda psıhologııalyq, emosııalyq kúıdi, ıntellektýaldy jáne eńbek etý tárbıesin qamtamasyz etý, balalardyń ekologııalyq tárbıesi úshin mektepke deıingi balabaqshalarda jáne top ishindegi jaǵdaıdy jasaý. Sonymen qatar ata-analar arasynda ekologııalyq bilimdi nasıhattaý bolyp tabylady.
Bıyl elimizde tótenshe jaǵdaı engizilýine baılanysty, barlyq eldi mekenderdegi mektepter men balabaqshalarǵa barý múmkindigi bolmady. Sol sebepti komıssııa músheleri atalǵan konkýrstar boıynsha qujattardy elektrondy formatta qarap shyqty jáne iriktep eń úzdik degen mektepter men balabaqshalarǵa baǵa berip, qorytyndysyn shyǵardy.
Mańǵystaý oblysynyń jalpy bilim berý mektepteri arasynda «Tabıǵatpen úndes mektep» baıqaýy boıynsha I dárejeli dıplom jáne 400 000 teńge syıaqysymen Munaıly aýdany № 8 jalpy bilim berý orta mektebi marapattalady. II dárejeli dıplom jáne 300 000 teńge Jańaózen qalasyndaǵy № 22 orta mektebine berildi. III dárejeli dıplom jáne 200 000 teńgemen Mańǵystaý aýdany «О́tes» orta mektebi marapattaldy. Osy baıqaýǵa jaqsy daıyndyqpen qatysqany úshin alǵys hattarymen jáne 60 000 teńge syıaqysymen Munaıly aýdany № 6 orta mektebi, Qaraqııa aýdany «Qaraqudyq» mektebi jáne № 3 orta mektebi marapattalady.
Al Mańǵystaý oblysynyń mektepke deıingi mekemeleri arasynda «Tabıǵatpen úndes balabaqsha» baıqaýy boıynsha I dárejeli dıplom jáne 300 000 teńge syıaqysymen Beıneý aýdany «Boranqul» bóbekjaıy» marapattalsa, II dárejeli dıplom jáne 250 000 teńge syıaqysymen Munaıly aýdany № 7 «Aınalaıyn» balabaqshasy, al III dárejeli dıplom jáne 200 000 teńge syıaqysymen Jańaózen qalasy «Araı» bóbekjaı-baqshasy marapattalady. Sondaı-aq, osy baıqaýǵa belsendi qatysqany úshin alǵys hattar men 60 000 teńge syıaqy Aqtaý qalasy № 4 «Aqqý» balabaqshasy, Mańǵystaý aýdany «Aınalaıyn» balabaqshasy jáne Qaraqııa aýdany «Ǵaryshker» balabaqshasyna berildi.
Baıqaý jeńimpazdary men júldegerlerin quttyqtaǵan Mańǵystaý oblysy tabıǵı resýrstar jáne tabıǵat paıdalanýdy retteý basqarmasynyń basshysy Dúısen Qusbekov 5 maýsym - Dúnıejúzilik qorshaǵan ortany qorǵaý kúnimen quttyqtaı otyryp, ekologııalyq máselelerge úlken jaýapkershilikpen qaraýdy óziniń paryzy sanap júrgen bilim berý ordalanynyń ustazdary men oqýshylaryna alǵysyn jetkizdi.
Mańǵystaý oblysy