2 maýsym kúni Petropavl qalasyndaǵy Jambyl kóshesi boıyndaǵy notarıýstyń keńsesine qaraqshylyq shabýyl jasalǵan. Bul habar SQO polısııasyn aıaǵynan tik turǵyzdy. Betperde kıgen er adam pyshaqpen qorqytyp, qyzmettegi áıeldiń altyn buıymdary men aqshasyn tartyp alyp, belgisiz baǵytqa joǵalǵan.
SQO PD bastyǵynyń orynbasary, polısııa polkovnıgi Rýslan Nazarovtyń aıtýyna qaraǵanda qaraqshylyq faktisi boıynsha sotqa deıingi tergep-tekserýdiń biryńǵaı tizilimine tirkeledi. Shekten shyqqan qaraqshylyq qylmysty ashýǵa qalalyq polısııa bóliminiń jeke quramy túgel jumyldyryldy. Jedel-izdestirý is-sharalarynyń barysynda qylmys jasalǵan aýdandaǵy beınebaqylaý kameralarynyń jazbalary zerdelenip, páter bıýrolary, jalǵa tapsyrylǵan páterler men saıajaı massıvteri tekserildi. Tájirıbeli jedel ýákilder barlyq derekterdi saraptaı kelip, bul qylmysty syrttan kelgen «gastrolerlerdiń» biri jasady degen toqtamǵa keledi.
Tııanaqty tekseristiń nátıjesinde sol kúni-aq qaraqshynyń jeke basy anyqtaldy. Ol buryn da múliktik qylmys jasaǵany úshin sottalǵan Kókshetaý qalasynyń 1996 jylǵy týmasy bolyp shyqty. Kúdiktiniń keskin-keıpi elimizdiń basqa aýmaqtaryndaǵy áriptesterine joldandy.
Nátıjesinde kúdiktiniń Qaraǵandy aýmaǵynda da qaraqshylyq jasap, ustalǵandyǵy jóninde aqparat kelip tústi. Qazirgi ýaqytta Qaraǵandy qalasynyń Polısııa basqarmasyna berý úshin qylmystyq istiń materıaldary daıyndalýda.
PETROPAVL