Jańa Zelandııanyń premer-mınıstri Djasında Ardern 9 maýsymnan bastap elde koronavırýsqa qatysty karantındik sharalar jeńildeıtinin málimdedi, - dep habarlaıdy TASS.RU.
"Osydan 75 kún buryn elde koronavırýs pandemııasyna baılanysty saqtyq sharalary kúsheıtilgen edi. Biz qazir karantın rejıminiń alǵashqy deńgeıine kóshýge daıynbyz. Búginde elimizde indet juqtyrǵandar joq. Biraq indet qaýpi áli de tolyǵymen seıildi dep aıta almaımyz. Sondyqtan kez kelgen nársege daıyn bolýymyz kerek", - dedi Djasında Ardern.
Onyń aıtýynsha, saqtyq sharalarynyń jańa deńgeıine ótý kezinde qoǵamdyq kólikterdegi, tamaqtaný oryndaryndaǵy jáne basqa da adam kóp shoǵyrlanatyn oryndarda shekteýler alynady. Qonaqúıler, meshitter men shirkeýler, sporttyq keshender burynǵy jumys qalpyna qaıta oralady.
Elge shetelden kelýshilerge ereje birshama jeńildeıdi. Alaıda premer-mınıstrdiń aıtýynsha, qonaqtar sany aıtarlyqtaı kóp bolmaıdy. О́ıtkeni ár ruqsat jeke qarastyrylatyn bolady, ásirese, elge "gýmanıtarlyq sebeptermen" kiretinderge artyqshylyq beriledi.