Qostanaıda qoǵamdyq kólikterge valıdator ornatylyp, jolaýshyar jol júrý aqysyn elektrondy túrde tóleıtin bolady. Bul týraly oblys ákimdiginde ótken jıynda aıtyldy, - dep habarlaıdy Egemen.kz.
- Qazir qala ákimdigi men almatylyq Alempay JShS jáne tasymaldaýshylar arasynda úsh tarapty kelisim-shart jasaý sharalary júzege asyp jatyr. Bıyl jeltoqsan aıynda qala ishinde júretin avtobýstarda jol aqy tólemin tolyqtaı elektrondy júıege aýystyrý josparlanyp otyr, - dedi Qostanaı qalasynyń ákimi Qaırat Ahmetov.
Aldaǵy jyldan bastap jol pulyn elektrondy túrde tóleıtin jolaýshylar úshin jol aqysy qazirgideı 80 teńge bolyp qala bermek. Al qolma-qol esepteskisi kelgen adamdardan 150 teńge talap etiletin bolady. Mamandardyń aıtýynsha, tarıf áli de ózgerýi múmkin, ázirge talqylaý jumystary júrip jatyr.
Qostanaı oblysy