Keshe keshkisin joǵalyp ketken balanyń óli denesi Jaıyq ózeninen tabyldy, - dep habarlaıdy Egemen.kz.
Bul týraly Tótenshe jaǵdaılar departamentiniń baspasóz qyzmeti málim etti. Búgin, 11 maýsymda túngi saǵat 01:56-de 11 jasar balanyń joǵalǵany týraly habar túsipti. Joǵalǵan bala Atyraý qalasynyń mańyndaǵy Erkinqala-2 kentinde turǵan.
Ol keshe, 10 maýsymda keshki saǵat 18:00 shamasynda iz-tússiz joǵalyp ketken.
"Izdestirý kezinde bala turǵan aýdannyń barlyq tóńiregi tekserilip, jergilikti turǵyndardan surastyryldy. Jaıyq ózeniniń jaǵalaýynan velosıped pen balanyń zattary tabyldy. Al, saǵat 8:10-da departamenttiń Jedel-qutqarý jasaǵynyń 5 qyzmetkeri, 1 tehnıka, 1 kınologııalyq quram, 1 júzý quralymen Jaıyq ózeni tekserildi. О́kinishke oraı joǵalǵan balanyń denesi ózenniń sýǵa túsýge jabdyqtalmaǵan jerinen shyǵaryldy", - dep habarlady departamenttiń baspasóz qyzmeti.