«Nur Otan» halyq-demokratııalyq partııasy uıymdastyrýshysy bolǵan «Kil júırikte kim júırik?» degen taqyryptaǵy aıtys márege jetti. Bul týraly «Nur Otan» partııasy men bir top aıtyskerlerdiń tvıtterlerinde jarııalanǵan málimetterge súıene otyryp, Egemennrws.kz tilshisi habarlady.
Parlament Májilisiniń depýtaty, jazýshy Aldan Smaıyl bastaǵan qazylar alqasy aıtystyń qorytyndysynda bas báıgege belgili aıtysker aqyn Aınur Tursynbaevany laıyqty dep tapty. Onyń bási 2 mln. teńge boldy (joǵarydaǵy sýrette). Birinshi oryn men 1,5 mln. teńge kólemindegi syı jas juldyz Jandarbek Bulǵaqovqa tapsyryldy. Ekinshi oryndy 1 mln. teńge tartýymen birge aıtystyń aqtańgeri Balǵynbek Imashev enshiledi. Al 750 myń teńge qoshemeti bar úshinshi tuǵyrǵa Qytaıdan kelgen shalymdy shaıyr Qanatbek kóterildi.
Budan bólek, Qazaqstannyń bas múftıi qajylyqqa baryp qaıtatyn joldamany alymdy aqyn Sara Toqtamysovaǵa usyndy.
Marapattaý rásimi barysynda sondaı-aq marqum Orazaly aqynnyń uly Nursultanǵa osy aıtystan túsken qarjy men «Nur Otan» HDP tarapynan bólingen arnaıy syılyq tabys etildi (tómendegi sýrette).
Atalmysh aıtys «Habar» telearnasynan 12 qazan kúni saǵat – 15.10-da, 13 qazan kúni 14.00-de kórsetiledi.
Murat Aıtqoja.