Búgin, 6 qazan kúni Reseı Federasııasynyń astanasy – Máskeý qalasynyń Vnýkovo-3 áýejaıyna bortynda Sochı-2014 XXII qysqy Olımpııalyq oıyndary úshin jaǵylǵan alaýy bar ushaq kelip qondy. Bul týraly ITAR-TASS tilshisi habarlady.
Olımpada alaýy qyrkúıektiń 29-y kúni Grekııadaǵy ejelgi Olımp taýynyń eteginde tutatyldy. Sodan bastap 6 kún boıy Ellada jerin sharlap ótken otty tuǵyr keshe Afınada Reseı delegasııasynyń qolyna tapsyryldy. Endi onyń Reseı jerindegi 123 kúnge jáne 6,5 myń shaqyrymǵa sozylatyn uzaq sapary bastalady.
Eldiń júregi – Máskeý qalasynda búgin sonyń birinshi kúni sóreden shyqty. Qyzyl Kremldi qaladaǵy alaý alyp júrý estafetasy 6-9 qazan aralyǵyn qamtıdy. Sodan keıin otty shyǵyrshyqty Reseı jerlerimen júrip ótýiniń resmı ashylýy bolady. Ol Vasılev yldıynda ótedi. Alaýdy birinshi bolyp Olımpııalyq oıyndardyń bes dúrkin chempıony Anastasııa Davydova alyp júgiredi. Budan ári alaý eldiń 83 sýbektisine jol tartady. Sol betimen 7 aqpan kúni Sochıge baryp bir-aq aıaldaıdy.
Al búgin alaýdy áýejaıdan qalaǵa «Túngi qasqyrlar» baı-klýbynyń motosıklısteri kolonnasynyń qorshaýynda júrip otyrǵan kortej jetkizdi.
Kortej Qyzyl alańǵa kelip bir-aq toqtady. Sosyn astananyń qaq ortasynda olımpııalyq ot ydysyn tutandyrý saltanaty ótkizildi. Artynsha alaý estafetasynyń Kremldik kezeńi bastaldy. Ol 9 bólikten quralyp, Aleksandr baǵynda tanym tapty. Onyń sońǵy núktesin Reseı Batyry, Áskerı-áýe kúshteriniń maıory Ivan Nechaev qoıdy. Bul kezeńniń is-áreketine 50 myńnan astam máskeýlik qatysty.
Osymen, olımpııalyq alaýdyń Máskeýdegi kezeńiniń birinshi kúni aıaqtaldy. Al alda taǵy 3 kún bar.
Rýslan Igilik.