Keshe, 6 qazan kúni Qaraǵandyda jergilikti «Shahter» men Shymkenttiń «Ordabasy» komandalary kezdesip, 29-týr oıyndaryn aıaqtady. Match 3:0 esebimen alań ıeliriniń paıdasyna sheshildi. Bul týraly Egemennews.kz tilshisi habarlady.
Osy arqyly qaraǵandylyqtar 9 oıynnan beri jalǵasyp kele jatqan jeńissiz oıyndardyń tizbegin úzdi. Kezdesý olardyń aıqyn basymdylyǵymen ótti. Degenmen, matchtyń 39-mınýtyna deıin qarsylastar esep asha almady. Sol seńdi Aldın Djıdıch buzdy. Ol Maqsat Baıjanovtyń urǵan aıyp dobyna basyn tósep, gol saldy. 58-mınýtta komandanyń eń mergen shabýylshysy Igor Zenkovıch esepti 2:0-ge jetkizdi. Osy arqyly ol 14 doppen jeke-dara mergender kóshin bastady. Al sońǵy núkteni 79-mınýtta Aleksandr Gabyshev qoıdy.
Osy jeńisten keıin «Shahter» taǵy da Almatynyń «Qaıratyna» qýyp jetti. Qazir eki komandada da 26 upaıdan bar.
Damır Qojamqul.
Týrnır kestesi
1-6 oryndar úshin
1 «Aqtóbe» 29 19 5 5 40 - 19 39
2 «Astana» 29 16 5 8 48 - 34 33
3 «Ertis» 29 12 8 9 38 - 32 27
4 «Shahter» 29 12 7 10 41 - 35 26
5 «Qaırat» 29 10 11 8 39 - 35 26
6 «Ordabasy» 29 10 6 13 28 - 34 21
7-12 oryndar úshin
1 «Tobyl» 29 13 6 10 46 - 30 32
2 «Atyraý» 29 8 11 10 23 - 34 22
3 «Vostok» 29 6 11 12 18 - 34 18
4 «Taraz» 29 6 8 15 27 - 36 17
5 «Jetisý» 29 5 15 9 21 - 32 17
6 «Aqjaıyq» 29 6 9 14 34 - 48 15