Múmkindigi shekteýli adamdar da ózgeler sekildi sharýasymen túrli nysandarǵa barady. Sol sebepten, olarǵa qoljetimdi orta qurý maqsatynda 3141 nysan qujattandyryldy, - dep habarlaıdy Egemen.kz.
Oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Álfııa Tóleǵarıevanyń deregine súıensek, Atyraýda tirkelgen múmkindigi shekteýli jandar 23 000-nan asady. Olardyń arasynda birinshi topta 1 895 adam bolsa, ekinshi toptaǵysy – 9 629. Sondaı-aq úshinshi top sanatynda 8 049 adam bar. Al, 3 688 balanyń múmkindigi shektelgen.
"Qazirgi ýaqytta oblystaǵy áleýmettik ınfraqurylymdyq nysandardyń barlyǵy qujattandyryldy. Onyń ishinde estý, kórý qabileti tómen, arbaǵa tańylǵan jandarǵa kedergisiz orta qalyptastyrý úshin 1 389 nysanǵa beıimdeý jumystary júrgizildi", - dedi Álfııa Tóleǵarıeva.
Onyń málim etýinshe, jyl basynan beri múmkindigi shekteýli jandar 1 303 ońaltý tehnıkalyq quraldarymen qamtamasyz etilipti.