AQSh-ta qaza tapqan qazaqstandyq Talǵat Orymbaevtyń denesi keshe elge jetkizildi. Astanadaǵy áýejaıda baýyr eti balasynyń denesin qarsy alǵan týystary birden týǵan jeri Kókshetaýǵa qaraı jol tartty. Bul týraly Nur.kz habarlady.
«Chıkago qalasynda jol-kólik oqıǵasynan kóz jumǵan Talǵat Orymbaevtyń máıiti Astanaǵa Nıý-Iork arqyly jetkizildi. Aýyr qazaǵa beı-jaı qaramaǵan jurt ınternet arqyly aksııa ótkizip, 16 myń dollarǵa jýyq qarjy jınaǵan edi.
Syrtqy ister mınıstrligi de bul otbasyna kómek berdi», - delingen habarlamada.
Aıta keteıik,, shetelge bilim qýyp barǵan kókshetaýlyq azamat 25 qyrkúıek kúni jergilikti medısınalyq ortalyqtyń birinde jantásilim etken. Belgili bolǵandaı, ol tas joldy qıyp ótpek bolyp júgirip ótkende, júıtkip kele jatqan kóliktiń astyna túsedi.
Kólik tizginine ıe bola almaǵan 53 jasar AQSh azamaty Terrı Sems dereý jedel járdem shaqyrtqan. Alaıda, dárigerler Talǵattyń ómirine arasha túse almady.
Sultan Bozaıǵyr.