2020-2025 jyldarǵa arnalǵan "Nurly jer" memlekettik baǵdarlamasy sheńberinde respýblıka boıynsha jalpy aýdany 4,1 mln sharshy metr nemese 33 479 turǵyn úı paıdalanýǵa berildi. Onyń ishinde 14 209 jeke úı. Atalǵan kezeńde jeke menshik esebinen jalpy aýdany 3,8 mln sharshy metr baspana salyndy, - dep habarlady IIDM baspasóz qyzmeti.
Ulttyq ekonomıka mınıstrligi Statıstıka komıtetiniń derekteri boıynsha 2020 jylǵy 1 maýsymǵa deıin qarjylandyrýdyń barlyq kózderinen turǵyn úı qurylysyna 525,4 mlrd teńge ınvestısııa salyndy. Bul - 2019 jylǵy sáıkes kezeńmen salystyrǵanda 120,6%.
Turǵyn úıdi iske qosý boıynsha Túrkistan (131,2%), Qaraǵandy (124,9%) Shyǵys Qazaqstan (114,3%), Batys Qazaqstan (111,9%), Jambyl (108,7%), Soltústik Qazaqstan (108%), Qostanaı (107,9%) oblystary alda keledi.
Jergilikti atqarýshy organdardyń derekteri boıynsha osy kezeńde 28 myń sharshy metr nemese 507 jalǵa beriletin turǵyn úı páter paıdalanýǵa berildi.